ၵေႃႉသိုၵ်းၵေႃႉႁၢၼ် RCSS/SSA လႆႈႁပ်ႉလွင်ႈၸွႆႈထႅမ် တီႈၽူႈမီးၼမ်ႉၸႂ်

ၼင်ႇႁိုဝ်တေပဵၼ်လွင်ႈၵမ်ႉၸွႆႈပၼ် ၵေႃႉသိုၵ်းၵေႃႉႁၢၼ် ၼႂ်းတပ်ႉသိုၵ်းၸိုင်ႈတႆး RCSS/SSA ၼႆသေ ၸုမ်းသၢႆႁိူဝ်ႈလႅင်း ႁႅင်းၸိူဝ်ႉၸၢတ်ႈ လႆႈသိုဝ်ႉသိူဝ်ႈ 30 ၸုမ်ႇသေ ဢဝ်ၸွႆႈထႅမ်ပၼ် တီႈၵေႃႉသိုၵ်းၵေႃႉႁၢၼ် ၽၢႆႇပၢႆးယူႇလီၶဝ်ၵႂႃႇ ၼႆယဝ်ႉ။

မိူဝ်ႈဝၼ်းထီႉ 6 May 2024 (လိူၼ်ႁႃႈလွင်ႈ 13 ၶမ်ႈ ပီႊတႆး 2118 ၼီႈ) ၸုမ်းသၢႆႁိူဝ်ႈလႅင်း ႁႅင်းၸိူဝ်ႉၸၢတ်ႈ လႆႈၸွႆႈထႅမ်မႃးၵႃႈသိူဝ်ႈ တႃႇ 30 ၸုမ်ႇ မႅၼ်ႈသၢင်ႉငိုၼ်း 250,000 ပျႃး ပုၼ်ႈတႃႇ ၵေႃႉသိုၵ်းၵေႃႉႁၢၼ် ဢၼ်ပဵၼ်လုၵ်ႈႁဵၼ်းၸိူဝ်းသွၼ်ၵၢၼ်ၽၢႆႇပၢႆးယူႇလီ ၸုပ်ႈ (1) ပီႊ 2024 ၼႂ်းတပ်ႉၸုမ်း 249 ၸိူဝ်းဢၼ်ႁၢပ်ႇထၢမ်းၵၢၼ် ၸိူဝ်ႉၸၢတ်ႈ၊ ဝၢၼ်ႈမိူင်း၊ ၽႃႇသႃႇ၊ သႃႇသၼႃႇ ၼႆယဝ်ႉ။

ယူႇတီႈမုၵ်ႉၸုမ်းၶွင်ႇသီႇဢဝ်ၶိုၼ်းၸိုင်ႈတႆး/တပ်ႉသိုၵ်းၸိုင်ႈတႆး RCSS/SSA တၢင်တူဝ်ၵေႃႉႁၢၼ်ၶဝ်တင်းသဵင်ႈသေ ငိၼ်းၸူမ်းၶွပ်ႈၸႂ်ထိုင်ၸုမ်းသၢႆႁိူဝ်ႈလႅင်း ႁႅင်းၸိူဝ်ႉၸၢတ်ႈ လႄႈၽူႈမီးၼမ်ႉၸႂ်လီၵူႈၵေႃႉၵူႈၸဝ်ႈယူႇ ၼႆယဝ်ႉ။

တႆးလွတ်ႈလႅဝ်း