ၵေႃႉသိုၵ်း တပ်ႉသိုၵ်းၸိုင်ႈတႆး RCSS/SSA မႄးသိူဝ်ႇသဵၼ်ႈတၢင်းပၼ်ၵူၼ်းမိူင်း

ၼင်ႇႁိုဝ်ၵူၼ်းမိူင်း ပေႃးတေၵႂႃႇမႃးငၢႆႈလူမ်ၸႂ်ၼႆသေ ယူႇတီႈၵေႃႉသိုၵ်း တပ်ႉသိုၵ်း ၸိုင်ႈတႆး RCSS/SSA လႆႈၵႂႃႇၸွႆႈထႅမ်ပေႃႈမႄႈၵူၼ်းမိူင်း မႄးသိူဝ်ႇသဵၼ်ႈတၢင်း ဝႃႈၼႆ။

မိူဝ်ႈဝၼ်းထီႉ 8 October 2022 (လိူၼ်သိပ်းဢဵတ်းမႂ်ႇ 14 ၶမ်ႈ ပီႊတႆး 2116 ၼီႈ) ဢိင် ၼိူဝ်ငဝ်းလၢႆးၼႂ်းပိုၼ်ႉတီႈသေ ယူႇတီႈၵေႃႉသိုၵ်း တပ်ႉသိုၵ်းၸိုင်ႈတႆး RCSS/SSA လႆႈဢဝ်ၵွင်ႈဝၢႆႈလင် ၸွႆႈထႅမ်ပေႃႈမႄႈၵူၼ်းမိူင်း တီႈၼႂ်းၸႄႈဝဵင်းမိူင်းၼၢႆး ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း မႄးသိူဝ်ႇသဵၼ်ႈတႃႇသၢႆတၢင်း ၼင်ႇႁိုဝ်ပေႃးတေၵႂႃႇမႃးငၢႆႈလူမ်ၸႂ် ဝႃႈၼႆ။

မိူဝ်ႈဝၼ်းထီႉ 26 September 2022 ၼၼ်ႉၵေႃႈ ၵေႃႉသိုၵ်း တပ်ႉသိုၵ်းၸိုင်ႈတႆး RCSS/SSA ၸွႆႈၵၢၼ်ႉၶဝ်ႈၵၢပ်ႇ(ၶဝ်ႈၶႄႇ) လႄႈ ၸွႆႈတေႃႉတၢင်ႇၶဝ်ႈၵၢပ်ႇ ပေႃႈမႄႈၵူၼ်းမိူင်း ၼႂ်းၸႄႈဝဵင်းမွၵ်ႇမႆႇ ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း မိူၼ်ၵၼ်။

တႆးလွတ်ႈလႅဝ်း