ၶႄႇပိုတ်ႇၵၢၼ်သွၼ် လွင်ႈတႄႇၼႃႈႁိူၼ်း ၼႂ်းၸၼ်ႉၸွမ်

ၸၼ်ႉၸွမ်ၼႂ်းမိူင်းၶႄႇ Vocational University of Civil Affairs တီႈၼႂ်းဝဵင်းလူင်ပိူၺ်ႇၵျိၼ်းၼၼ်ႉ လႆႈပိုတ်ႇၵၢၼ်သွၼ် ၽၢႆႇၵၢၼ်ၸတ်းၵၢၼ် လွင်ႈတႄႇၼႃႈႁိူၼ်း ႁဵတ်းဢွၵ်ႇမႃးပၼ်တွၼ်ႈတႃႇလုၵ်ႈႁဵၼ်း ပေႃးတေမီးတၢင်းႁူႉ လႄႈ လွၵ်းလၢႆးၵၢၼ်ၸတ်းၵၢၼ် လွင်ႈတႄႇၼႃႈႁိူၼ်းၵူႈလွင်ႈလွင်ႈ လႄႈ ၵၢၼ်ၼႃႈႁိူၼ်း။

ၽူႈမီးပုၼ်ႈၽွၼ်းၶဝ်ၵေႃႈဝႃႈ ၵၢၼ်သွၼ်ၼႆႉ တႄႇဢဝ် ဢွၼ်တၢင်းၵူႈမၢဝ်ႇသၢဝ်ႇ တေတႄႇၼႃႈႁိူၼ်း တႄႇဢဝ်လွင်ႈႁဵတ်းပဵၼ်ၵူႈပဵၼ်တွႆး၊ ပၼ်တီႈၵိူဝ်းၵုမ် ဢွၼ်တၢင်းတေတႄႇၼႃႈႁိူၼ်း၊ လူင်းလၢႆးမိုဝ်းႁဵတ်းသၢၵ်ႈသေႇၵၢၼ်တႄႇၼႃႈႁိူၼ်း၊ လွင်ႈၸတ်းၵၢၼ် ၵၢၼ်တႄႇၼႃႈႁိူၼ်း  တေႃႇထိုင် လွင်ႈပၼ်တီႈၵိူဝ်းၵုမ် ဢွၼ်တၢင်းတေပႅတ်ႈၵၼ် ၸႃႉၵႂႃႇၸိူဝ်းၼႆႉ၊ ၵွပ်ႈဝႃႈ ယၢမ်းလဵဝ်ၼႆႉ ၶႄႇၼၼ်ႉ ယင်းတိုၵ်ႉၶၢတ်ႇ ၵူၼ်းလူင်ႉလႅၼ်ႇ ၼႂ်းလွၵ်းၵၢတ်ႇၽၢႆႇၸတ်းၵၢၼ်လွင်ႈတႄႇၼႃႈႁိူၼ်းၼၼ်ႉယူႇ ဝႃႈၼႆ။

ၵၢၼ်သွၼ်ၼႆႉ တေတႄႇပိုတ်ႇၵႂႃႇၼႂ်းလိူၼ် September 2024 ၼႆႉ  တေတႄႇႁပ်ႉလုၵ်ႈႁဵၼ်းၸၼ်ႉ BA တင်းမူတ်း 70 ၵေႃႉ ဢၼ်မီးယူႇၼႂ်း 12 ၸႄႈမိူင်းၼၼ်ႉ ဝႃႈၼႆ။
ၼႂ်းပီႊ 2023 ပူၼ်ႉမႃးၼၼ်ႉ ႁူဝ်ၼပ်ႉၵူၼ်းတႄႇၼႃႈႁိူၼ်းၼႂ်းမိူင်းၶႄႇ တိူဝ်းၶိုၼ်ႈမႃး 12.4% ဝၢႆးသေမၼ်းလူတ်းယွမ်းၵႂႃႇတိၵ်းတိၵ်းၶၢဝ်းတၢင်း 9 ပီႊ ဝႃႈၼႆ၊ ယဝ်ႉၵေႃႈ ၵူၼ်းၶိုင်ႈၼိုင်ႈ ၸိူဝ်းဢၼ်မီးဢႃႇယု 25-29 ပီႊ ၼၼ်ႉ ယင်းတိုၵ်ႉပဵၼ်ၵူၼ်းလွတ်ႈလႅဝ်းယူႇလႄႈ ၼႂ်းလၢႆပီႊပူၼ်ႉမႃးၼႆႉ လွင်ႈၼၢၼ်းတႄႇၼႃႈႁိူၼ်းၼၼ်ႉ ယဵၼ်းပဵၼ်သၽႃႇဝၼႂ်းတူင်ႇဝူင်းၵူၼ်းၵႂႃႇယဝ်ႉ ၼႆယူႇ။

တႆးလွတ်ႈလႅဝ်း