ၶႄႇၸွႆႈထႅမ်ယႃႁႄႉၵင်ႈ COVID-19 ၼီႇၵႃႇရႃႇၵႂႃႇ တႃႇ 1 လၢၼ်ႉတူတ်သ်ႉ

မိူဝ်ႈဝၼ်းထီႉ 13 December 2021 ႁိူဝ်းမိၼ် Air China လႄႈ တင်းယႃႁႄႉၵင်ႈ COVID-19 ဢၼ်ၶႄႇၸွႆႈထႅမ်ၼၼ်ႉ လႆႈႁွတ်ႈၵႂႃႇထိုင်တီႈမိူင်း ၼီႇၵႃႇရႃႇၵႂႃႇ(Nicaragua) ယဝ်ႉ 200,000 တူတ်သ်ႉ ၼႆယူႇ။

ဝၢႆးသေၶႄႇလႄႈတင်းၼီႇၵႃႇရႃႇၵႂႃႇ မီးလွင်ႈၵပ်းသိုပ်ႇၽၢႆႇၽွင်းတၢင်ၵၼ် ယဝ်ႉၼၼ်ႉ လႆႈပၢၵ်ႈပႅတ်ႈၽွင်းတၢင်ထႆႇဝၼ်ႇၵႂႃႇ၊ လၢႆဝၼ်းၵူၺ်း ၶႄႇသူင်ႇႁိူဝ်းမိၼ် Air China တေႃႉသူင်ႇယႃႁႄႉၵင်ႈ COVID-19 Sinopharm ဢၼ်ႁဵတ်းဢွၵ်ႇလူၺ်ႈ ၶွမ်ႇပၼီႇၶႄႇ ၼႆယဝ်ႉ။

သိုဝ်ႇၶၢဝ်ႇၼီႇၵႃႇရႃႇၵႂႃႇ လၢႆးငၢၼ်းလၢတ်ႈဝႃႈ ၶိူင်ႈမိၼ်ၶႄႇ Air China တေႃႉသူင်ႇ ယႃႁႄႉၵင်ႈ COVID-19 Sinopharm တင်းၼမ် 200,000 တူတ်သ်ႉ၊ လႆႈဝႃႈပဵၼ်ၵမ်းဢွၼ်တၢင်းၵူၺ်း၊ တၢင်းမူတ်းၼႆႉ တေမီးယူႇတႃႇ 1 လၢၼ်ႉ တူတ်သ်ႉ လႄႈ တေလႆႈႁပ်ႉထႅင်ႈပွၵ်ႈတေမႃးထႅင်ႈယူႇ ဝႃႈၼႆ။

Laureano Ortega Murillo ၽူႈၵိူဝ်းၵုမ်ၽၢႆႇလူင်းတိုၼ်းလႄႈ ၽၢႆႇၵႃႉၶၢႆ ၸွမ်ၸိုင်ႈ ၼီႇၵႃႇရႃႇၵႂႃႇ လၢတ်ႈဝႃႈ “ၼီႇၵႃႇရႃႇၵႂႃႇ ၸူမ်းသိူဝ်းတေႉတေႉ ဢၼ်လႆႈ ဢဝ်ၶၢဝ်ႇလီမႃးလၢတ်ႈၼႄၵူၼ်းမိူင်း  လွင်ႈဢၼ်ၼီႇၵႃႇရႃႇၵႂႃႇ  လႆႈမီးလွင်ႈ ၵပ်းသိုပ်ႇၵၼ်တင်းၽွင်းတၢင်မိူင်းၶႄႇ ” ၼႆယဝ်ႉ။

တႆးလွတ်ႈလႅဝ်း