ၶႄႇ ဢမ်ႇႁၼ်လီၵမ်ႉထႅမ် ႁိူဝ်းလမ်ၼမ်ႉၼိဝ်းၶလီးယႃး ဢမေႇရိၵၢၼ်ႇ၊ ဢင်းၵိတ်ႉ၊ ဢေႃးသတြေးလီးယႃး

လူင်ပွင်ၸိုင်ႈၶႄႇ ဢမ်ႇႁၼ်လီၸွမ်း ၵၢၼ်ဢုပ်ႇဢူဝ်းၵၼ် ၵဵဝ်ႇလူၺ်ႈလွင်ႈႁိူဝ်းလမ်ၼမ်ႉ ၼႂ်းၵႄႈၵၢင် ဢမေႇရိၵၢၼ်ႇ၊ ဢင်းၵိတ်ႉ လႄႈ ဢေႃးသတြေးလီးယႃး ၼၼ်ႉၼႆယဝ်ႉ။

ႁွင်ႈၵၢၼ်ၽၢႆႇၼွၵ်ႈမိူင်း မိူင်းၶႄႇ ဢွၵ်ႇမႃးလၢတ်ႈၼႄ လွင်ႈႁူမ်ႈမိုဝ်းၵၼ် ၼႂ်းၵႄႈၵၢင် ဢမေႇရိၵၢၼ်ႇ၊ ဢင်းၵိတ်ႉ လႄႈ ဢေႃးသတြေးလီးယႃး ၵဵဝ်ႇလူၺ်ႈႁိူဝ်းလမ်ၼမ်ႉၼၼ်ႉ ၽၢႆႇတၢင်းၶႄႇဢမ်ႇႁၼ်လီၸွမ်း ၼႆယဝ်ႉ။

ၽၢႆႇတၢင်းၶႄႇၼၼ်ႉၵေႃႈ ပဵၼ်ဢၼ်မႆႈၸႂ်မႃးယူႇလႄႈ တေဢမ်ႇႁၼ်လီၵမ်ႉထႅမ်၊ တေသၢၼ်ၶတ်းႁႂ်ႈတဵမ်တီႈ၊ လူင်ပွင်ၸိုင်ႈၶႄႇၼၼ်ႉၵေႃႈ တုၵ်းယွၼ်းႁႂ်ႈ သၢမ်ၸိုင်ႈမိူင်းၼႆႉ ၵိုတ်းယိုတ်းၽႅၼ်ၵၢၼ်ႁူမ်ႈမိုဝ်းၵၼ် တႃႇသၢင်ႈႁိူဝ်းလမ်ၼမ်ႉ ၼိဝ်းၶလီးယႃးၼႆႉ တွၼ်ႈတႃႇလွင်ႈၵတ်းယဵၼ် လႄႈ လွင်ႈမၼ်ႈၼိမ်သဝ်း ၼႂ်းပွတ်းတွၼ်ႈၼႆႉ ဝႃႈၼႆ။

လွင်ႈၼႆႉၵေႃႈ မီးမႃးဝၢႆးသေ ၸွမ်ၽွင်းလူင်မိူင်းဢင်းၵိတ်ႉ တေဢွၵ်ႇၶၢဝ်းတၢင်းၵႂႃႇတီႈ ဢမေႇရိၵၢၼ်ႇ လႄႈ တေၸၢင်ႈပိုၼ်ၽၢဝ်ႇလွင်ႈႁူမ်ႈမိုဝ်းၵၼ် ၼႂ်းၵႄႈၵၢင် ဢမေႇရိၵၢၼ်ႇ၊ ဢင်းၵိတ်ႉ၊ ဢေႃးသတြေးလီးယႃး ၵဵဝ်ႇလူၺ်ႈလွင်ႈႁိူဝ်းလမ်ၼမ်ႉၼိဝ်းၶလီးယႃးၼၼ်ႉ ၼႆယဝ်ႉ။

ၵဵဝ်ႇလူၺ်ႈလွင်ႈၼႆႉၵေႃႈ လႆႈဝႃႈၶဝ်ႈပႃးၼႂ်းလိၵ်ႈႁူမ်ႈမၢႆလွင်ႈမၼ်ႈၼိမ်သဝ်း ဢေႃးၵတ်ႉသ် (Aukus) ဢၼ်တေၸွႆႈႁႂ်ႈဢေႃးသတြေးလီးယႃး မီးႁိူဝ်းလမ်ၼမ်ႉၼိဝ်းၶလီးယႃး ၼၼ်ႉယဝ်ႉ။

တႆးလွတ်ႈလႅဝ်း