ၸၢႆးၸေႃႇလၢတ်ႉ ထုၵ်ႇယိုဝ်းတၢႆတီႈမိူင်းၶၢင်

ၸၢႆးၸေႃႇလၢတ်ႉ ၵေႃႉဢၼ်ၶဝ်ႈတူင်ႉၼိုင် ၼႂ်းၸုမ်းတူင်ႇဝူင်းလၢႆလၢႆၸုမ်းၼၼ်ႉ ထုၵ်ႇၵူၼ်းႁၢႆႉ ဢဝ်ၵွင်ႈယိုဝ်းတၢႆပႅတ်ႈတီႈၼွင်ပႃ ပွၵ်ႉမျႃႉၸဵင်းယွင်ႇ ဝဵင်းၵႃႇမၢႆး ၸႄႈဝဵင်းၽႃၵၢၼ်ႉ ၸႄႈမိူင်းၶၢင် ၼႆယဝ်ႉ။

မိူဝ်ႈဝၼ်းထီႉ 23 November 2022 (လိူၼ်ၸဵင်မႂ်ႇ 1 ၶမ်ႈ ပီႊတႆး 2117 ၼီႈ) ယၢမ်းၵၢင်ၼႂ်မွၵ်ႈ 09:00 မူင်း မီးၵူၼ်းမိူင်းၼႂ်းပိုၼ်ႉတီႈ ၵႂႃႇထူပ်းႁၼ်တူဝ်တၢႆ ၸၢႆးၸေႃႇလၢတ်ႉ ဢႃႇယု 37 ပီႊ ဢွင်ႈတီႈႁဵတ်းၵၢၼ်တီႈၼွင်ပႃ လႄႈ လႆႈႁၼ်ပႃး  ႁွႆးမၢၵ်ႇၵွင်ႈ တီႈၵွၵ်းႁူဝ်မၼ်းၸၢႆး ဝႃႈၼႆ။

ၸၢႆးၸေႃႇလၢတ်ႉ ၼႆႉ ပဵၼ်ၵူၼ်းမေႃၸွႆႈထႅမ်ၵူၼ်းတင်းၼမ်သေ ႁဵတ်းၵၢၼ်တူင်ႉၼိုင် ၸွႆႈထႅမ်ၼႂ်းၸုမ်းတူင်ႇဝူင်းၵူၼ်း Civil Society Organization − CSO တင်းၼမ် ၼႆယဝ်ႉ။

မိူဝ်ႈဝၼ်းထီႉ 22 November 2022 ယၢမ်းၵၢင်ၶိုၼ်းမွၵ်ႈ 20:00 မူင်းၼၼ်ႉၵေႃႈ ၵူၼ်းၼုမ်ႇတႆးလႅင် ၸိုဝ်ႈႁွင်ႉယၢႆႇမိၼ်းဢွင်ႇ ဢႃႇယု 28 ပီႊ ထုၵ်ႇၵူၼ်းႁၢႆႉဢဝ်ၵွင်ႈယိုဝ်းတၢႆပႅတ်ႈ တီႈတၢင်းၶဝ်ႈ ဝၢၼ်ႈလူင်းၶိၼ်း ၸႄႈဝဵင်းၽႃၵၢၼ်ႉ ၼႆယဝ်ႉ။

တႆးလွတ်ႈလႅဝ်း