ၼမ်ႉၸိုၼ်ႈသႂ်(ၼမ်ႉမူတ်းသႂ်) ၸွင်ႇမီးဝၼ်းမူတ်းဢႃႇယုတေႉယူႇႁိုဝ်?

ၼႂ်းဝၼ်းမိူဝ်ႈၼႆႉ ႁဝ်းၶႃႈမႃးတူၺ်းၸွမ်းၵၼ်ဝႃႈ ၼမ်ႉၸိုၼ်ႈသႂ်ၼၼ်ႉ ၸွင်ႇမၼ်းမီးဝၼ်းမူတ်း ဢႃႇယုဢၼ်ဝႃႈၼၼ်ႉၶႃႈ။ ၼႂ်းမိူဝ်ႈၽွင်းၵႂႃႇသိုဝ်ႉၼမ်ႉၸိုၼ်ႈသႂ် ဢမ်ႇၼၼ် ၽူႈမီးၼမ်ႉၸႂ် ၸႅၵ်ႇၸႃႇၵ ၸွမ်းၼႂ်းပၢင်ပွႆးၸိူဝ်းၼၼ်ႉ ယုမ်ႇယမ်ဝႃႈ ၵူႈၵေႃႉၵေႃႈ တေတူၺ်းႁၼ်မႅၼ်ႈယူႇဝႃႈ တီႈတဝ်ႈၼမ်ႉ (ႁိုဝ်) တီႈၽႃႁူမ်ႇၼၼ်ႉ မၼ်းတေမီးဝၼ်းတႄႇၸႃႉႁဵတ်းဢွၵ်ႇလႄႈ ဝၼ်းမူတ်းဢႃႇယုမၼ်းၼၼ်ႉယူႇ။ ၵွပ်ႈၼၼ်လၢႆလၢႆၵေႃႉၵေႃႈ တေမီးၶေႃႈထၢမ်ၼႂ်းၸႂ်ယူႇဝႃႈ “ၼမ်ႉၸိုၼ်ႈသႂ်ၼႆႉ မၼ်းမီးဝၼ်း မူတ်းဢႃႇယုသေႁႃႉ”  ၼႆ ၼၼ်ႉယဝ်ႉ။

ၼမ်ႉၸိုၼ်ႈသႂ် ၸွင်ႇမီးဝၼ်းမူတ်းဢႃႇယုႁိုဝ်?

တွၼ်ႈတႃႇၼႂ်းၶေႃႈထၢမ်ၼႆႉ တေလႆႈဝႃႈ “ၼမ်ႉၸိုၼ်ႈသႂ်ၼၼ်ႉ ဢမ်ႇမီးဝၼ်းမူတ်းဢႃႇယု” ဢၼ်ႁဝ်းႁၼ်ဝၼ်းမူတ်းဢႃႇယုတီႈတဝ်ႈၼမ်ႉၼၼ်ႉ မၼ်းၵေႃႈပဵၼ်ဝၼ်းမူတ်းဢႃႇယု ၶွင် တဝ်ႈၼမ်ႉ၊ ထင်ဢၼ်ႁပ်ႉႁွမ်းၼမ်ႉယူႇ ၼၼ်ႉယဝ်ႉ။ ပေႃးၸွမ်းၼင်ႇၽူႈၶူၼ်ႉၶႂႃႉၶဝ်ၼၼ်ႉတေႉ ၽူႈဢၼ်ႁဵတ်းဢွၵ်ႇၼၼ်ႉ တေလႆႈမၵ်းမၼ်ႈဝၼ်းမူတ်းဢႃႇယုႇၶွင် တဝ်ႈပလၢတ်ႉသတိၵ်ႇ 2 ပီႊ ယွၼ်ႉပိူဝ်ႈပလၢတ်ႉသတိၵ်ႇ PET ဢၼ်ဢဝ်ႁဵတ်းတဝ်ႈၼမ်ႉၼၼ်ႉ မၼ်းၵူၺ်းၸႂ်ႉလႆႈလၢႆပွၵ်ႈ ၵူၺ်းလႄႈ ပေႃးႁိုင်မႃး မၼ်းတေမီးႁွႆးတႅၵ်ႇသေ ႁဵတ်းႁႂ်ႈၼမ်ႉတၢင်းၼႂ်းမၼ်း သိတ်းဢွၵ်ႇ ၸၢင်ႈတေဢိူၵ်ႇဝၢၵ်ႇၸိူဝ်ႉမႅင်းလႆႈ ၵွပ်ႈၼၼ်လႄႈ မၼ်းၸင်ႇဢမ်ႇလွတ်ႈၽေးတေႃႇ ၽူႈၸႂ်ႉ တိုဝ်း ၼၼ်ႉယဝ်ႉ။

ၸိူင်ႉႁိုဝ်ၵေႃႈလီ ပႅၵ်ႉသမ်ႉဝႃႈ တဝ်ႈၼမ်ႉၼၼ်ႉ တေမီးဢႃႇယုထိုင် 2 ပီႊ ဝႃႈၼႆသေတႃႉၵေႃႈ သင်မိူဝ်ႈႁဝ်းပိုတ်ႇၽႃႁူမ်ႇတဝ်ႈသေ ဢဝ်သူပ်းႁဝ်းတုမ်ႉတိူဝ်ႉ(တူၼ်ၵိၼ်) ၼၼ်ႉ ထုၵ်ႇလီၵိၼ်ႁႂ်ႈမူတ်း၊ ယွၼ်ႉပိူဝ်ႈမၼ်းမီးတိုဝ်ႉတၢင်း တေႁဵတ်းႁႂ်ႈ ၸူးလိၼ်းသီး Microorganism လႄႈ ပႅတ်ႇထီးရီးယႃး Bacteria ၽေႈလၢမ်း ပေႃးယဝ်ႉၵေႃႈ ဢမ်ႇထုၵ်ႇလီၸႂ်ႉႁူမ်ႈၵူၼ်းတၢင်ႇၵေႃႉၼၼ်ႉယဝ်ႉ။

ထႅင်ႈလွင်ႈၼိုင်ႈဢၼ် ပွင်ႇၸႂ်ၽိတ်းၵၼ် လွင်ႈဝႃႈ ပေႃးဢဝ်ၼမ်ႉၵိၼ်ၵႂႃႇသႂ်ႇၼႂ်းတူႈယဵၼ်ၼႆ တေႁဵတ်းႁႂ်ႈမီးသၢၼ် ဢၼ်ပဵၼ်ၽွၼ်းႁၢႆႉ ၼင်ႇ Dioxin ဢွၵ်ႇမႃးၼၼ်ႉ မၼ်းဢမ်ႇမၢၼ်ႇမႅၼ်ႈ ဝႃႈၼႆၶႃႈ။ သၢၼ်ဢၼ်ၼႆႉသမ်ႉ တေထူပ်းႁၼ်ၼႂ်း PVC ၼၼ်ႉသေ ၼင်ႇႁိုဝ်သၢၼ်ၼႆႉ တေဢေႇလူင်းၵႂႃႇၼၼ်ႉၵေႃႈ ၽူႈၶူၼ်ႉၶႂႃႉၶဝ်ၵေႃႈ လႆႈႁဵတ်းသၢင်ႈယူႇလႄႈ မၼ်းဢမ်ႇၸႂ်ႈ PET ဢၼ်ဢဝ်မႃးႁဵတ်း တဝ်ႈၼမ်ႉ (ႁိုဝ်) ဢဝ်တဝ်ႈၼမ်ႉမႆႈမႆႈဝႆႉၼႂ်းလူတ်ႉၵေႃႈ မၼ်းတေဢမ်ႇပွႆႇသၢၼ်သင်ဢွၵ်ႇမႃးဝႃႈၼႆယဝ်ႉၶႃႈ။

ပိၼ်ႇတႅမ်ႈ − ၸၢႆးဢႅၼ်

တႆးလွတ်ႈလႅဝ်း

ဢၢင်ႈဢိင် − https://www.sanook.com/health/34757/