ၽူႈမီးၼမ်ႉၸႂ်လီ ၸွႆႈထႅမ်ငိုၼ်းတွင်း တီႈၵေႃႉသိုၵ်းၵေႃႉႁၢၼ် RCSS/SSA

တႃႇပဵၼ်ႁႅင်းၸႂ်ၵမ်ႉၸွႆႈၵေႃႉႁၢၼ်ၶဝ်ၼႆသေ မိူဝ်ႈၼႂ်းဝၼ်းထီႉ 04 September 2024 ၼၼ်ႉ ယူႇတီႈၽူႈမီးၼမ်ႉၸႂ်လီ ႁူမ်ႈၵၼ်ၸွႆႈထႅမ်ငိုၼ်းတွင်း တီႈၵေႃႉႁၢၼ် RCSS/SSA ဢၼ်တူင်ႉၼိုင်ပၵ်းသဝ်း ၼႂ်းပိုၼ်ႉတီႈ တႅဝ်းၼႃႈသိုၵ်းၼၼ်ႉ ၼႆယဝ်ႉ။

ၽူႈမီးၼမ်ႉၸႂ် ဢၼ်လႆႈၸွႆႈထႅမ်မႃးၼၼ်ႉ တေမီး 1. ၸုမ်းသၢႆၼမ်ႉၶူင်းမႄႈမိူင်းတႆး 700,000 ပျႃး၊ 2. ၸုမ်းသၢႆႁိူဝ်ႈလႅင်း ႁႅင်းၸိူဝ်ႉၸၢတ်ႈ 200,000 ပျႃး၊ 3.ၸဝ်ႈၶွင်ၾဵတ်ႉပုၵ်ႉ ၸၢႆးၸၢႆးသိူဝ်ႁၢၼ် Sai Sai Hsur Harn 150,000 ပျႃး၊ ႁူမ်ႈသၢင်ႉငိုၼ်းတင်းမူတ်း 1,050,000 ပျႃး ၼႆယဝ်ႉ။

ယူႇတီႈၽူႈမီးပုၼ်ႈၽွၼ်း ၼႂ်းမုၵ်ႉၸုမ်း RCSS/SSA ၵေႃႈ တၢင်တူဝ်ၵေႃႉသိုၵ်းၵေႃႉႁၢၼ်ၶဝ်တင်းသဵင်ႈသေ ယိၼ်းၸူမ်းၶွပ်ႈၸႂ်ထိုင် ၽူႈမီးၼမ်ႉၸႂ်လီ ဢၼ်လႆႈၵမ်ႉၸွႆႈမႃးၼၼ်ႉတႄႉတႄႉဝႃႈဝႃႈယူႇ ၼႆယဝ်ႉ။

တႆးလွတ်ႈလႅဝ်း