ၽူႈမီးၼမ်ႉၸႂ် ၸွႆႈထႅမ်ၵေႃႉသိုၵ်းၵေႃႉႁၢၼ် RCSS/SSA

ၼင်ႇႁိုဝ်တေပဵၼ်ႁႅင်းၵမ်ႉၸွႆႈ ပုၼ်ႈတႃႇၵေႃႉသိုၵ်းၵေႃႉႁၢၼ်ၼႆသေ ၽူႈမီးၼမ်ႉၸႂ် လၢႆလၢႆၵေႃႉ လၢႆလၢႆၸဝ်ႈ လႆႈႁူမ်ႈၵၼ်ၸွႆႈထႅမ်ပၼ် ၵႃႈၵိၼ်ယႅမ်ႉ လႄႈ ၵႃႈယႃႈယႃ တီႈၼႂ်းၼႃႈတီႈၵုမ်းၵမ်တီႈၼိုင်ႈ ယူႇယဝ်ႉ။

မိူဝ်ႈဝၼ်းထီႉ 10 July 2024 (လိူၼ်ပႅတ်ႇမႂ်ႇ 5 ၶမ်ႈ ပီႊတႆး 2118 ၼီႈ) ၽူႈမီးၼမ်ႉၸႂ် ၸုမ်းသဵင်ထႅမ်ႁႅင်းမႂ်ႇ ပီႈၼွင်ႉထုင်ႉမၢဝ်း လႄႈ ပီႈၼွင်ႉႁႅင်းၵၢၼ်ယၢၼ်မိူင်း လႆႈၵမ်ႉၸွႆႈပၼ် ၵႃႈၵိၼ်ယႅမ်ႉ လႄႈ ၵႃႈယႃႈယႃ တီႈႁူင်းယႃႁၢင်ႈႁႅၼ်း ၼႂ်းၼႃႈတီႈၵုမ်းၵမ်တီႈၼိုင်ႈၼၼ်ႉ  တူၵ်းမႅၼ်ႈသၢင်ႉငိုၼ်း 1,000,000 ပျႃး (သိပ်းသႅၼ်ပျႃးတဵမ်တဵမ်) ၼႆယူႇယဝ်ႉ။

ယူႇတီႈၽူႈမီးပုၼ်ႈၽွၼ်း RCSS/SSA ၵေႃႈ လႆႈတၢင်တူဝ်ၵေႃႉသိုၵ်းၵေႃႉႁၢၼ်သေ ပဵၼ်ဢၼ်ယိၼ်းၸူမ်းၶွပ်ႈၸႂ်ယႂ်ႇၼမ်ထိုင် တီႈၽူႈမီးၼမ်ႉၸႂ် ၸေႇတၼႃႇ ၽိူၵ်ႇၸိုၼ်ႈၶၢဝ်သႂ်ႇႁဝ်းၶဝ် လႄႈ ၸင်ႇလႆႈႁဵတ်းၽိုၼ်လိၵ်ႈယွင်ႈယေႃး ဢဝ်ၵုင်ႇမုၼ်ၵိုၵ်းပိုၼ်းဝႆႉ ယူႇယဝ်ႉ။

တႆးလွတ်ႈလႅဝ်း