ၽူႈမီးၼမ်ႉၸႂ် ၸွႆႈထႅမ်ၶွင်ၵိၼ်ယႅမ်ႉ တီႈတပ်ႉသိုၵ်းၸိုင်ႈတႆး RCSS/SSA

ႁႂ်ႈပဵၼ်ႁႅင်းၸႂ် ၵေႃႉသိုၵ်းၵေႃႉႁၢၼ်ၶဝ်ၼႆသေ ၽူႈမီးၼမ်ႉၸႂ် ၸေႇတၼႃႇၽိူၵ်ႇ ၸိုၼ်ႈၶၢဝ်သႂ် ပီႈၼွင်ႉၵူၼ်းမိူင်း ၼႂ်းဝဵင်းလၢႆးၶႃႈ ၸွႆႈထႅမ်ၶွင်ၵိၼ်ယႅမ်ႉ ၵေႃႉသိုၵ်း တပ်ႉသိုၵ်းၸိုင်ႈတႆး RCSS/SSA ဝႃႈၼႆ။

မိူဝ်ႈၼႆႉဝၼ်းထီႉ 2 Aprial 2022 (လိူၼ်ႁႃႈမႂ်ႇ 2 ၶမ်ႈ ပီႊတႆး 2116 ၼီႈ) ပီႈၼွင်ႉၵူၼ်း မိူင်း ၼႂ်းၸေႈဝဵင်းလၢႆးၶႃႈ ဢဝ်ၶွင်ၵိၼ်ယႅမ်ႉ မိူၼ်ၼင်ႇ 1.ၼမ်ႉမၼ်းၵိၼ် 1 တိူၵ်ႈ၊ 2.ၽွင်ဝၢၼ် 10 ထူင်ဢွၼ်ႇ၊ 3.ၵိူဝ် 1 ထူင်လူင်၊ 4.ၽၵ်းသူမ်ႈယႅၼ်ႈ 4 ၸွႆႉ၊ 5.မၢၵ်ႇၶိူဝ်ယၢဝ်း 1 ထူင်၊ 6.မၢၵ်ႇၶိူဝ်သူမ်ႈ 3 ထူင်၊ 7.ၽၵ်းမီႇလႅင် 2 ထူင်၊ 8.တႅင်ၸိင် 1 ထူင်၊ 9.ၽၵ်းမီႇၽိူၵ်ႇ 1 ထူင်၊ 10.ဢႃႇလူး 1 ထူင်၊ 11.ၽၵ်းၵၢတ်ႇလုင်း 8 ထူင် ဢိၵ်ႇ ၶွင်ၵိၼ်ယႅမ်ႉထႅင်ႈလၢႆလၢႆလွင်ႈ ႁူမ်ႈတင်းမူတ်း တူၵ်းမႅၼ်ႈသင်ႉငိုၼ်း 700,000 (ၸဵတ်းသႅၼ်ပျႃးတဵမ်တဵမ်) ၸွႆႈထႅမ်ပၼ်တီႈ ၵေႃႉသိုၵ်း တပ်ႉသိုၵ်းၸိုင်ႈတႆး RCSS/SSA ဢၼ်တူင်ႉၼိုင်ဝႆႉယူႇ ၼႂ်းၼႃႈသိုၵ်းတီႈၼိုင်ႈ ဝႃႈၼႆ။

ယူႇတီႈၽူႈမီးပုၼ်ႈၽွၼ်း လႆႈတၢင်တူဝ်ၵေႃႉသိုၵ်းၵေႃႉႁၢၼ်ၶဝ်သေ ပဵၼ်ဢၼ်ယိၼ်းၸူမ်းၶွပ်ႇၸႂ်ယႂ်ႇၼမ်ထိုင် ပီႈၼွင်ႉၵူၼ်းမိူင်း ၼႂ်းဝဵင်းလၢႆးၶႃႈ ဢိၵ်ႇ ၽူႈမီးၼမ်ႉၸႂ် ၸေႇတၼႃႇ ၽိူၵ်ႇၸိုၼ်ႈၶၢဝ်သႂ်ႁဝ်းၶဝ်တေႉတေႉဝႃႈဝႃႈသေ ယွၼ်းသူးပၼ် ႁႂ်ႈယူႇလီၵိၼ်ဝၢၼ် လွတ်ႈၵၢင်းၽေးၶဵၼ် ၵူႈသမ်ႇသႅၼ်ပိူင်သေၵမ်း ဝႃႈၼႆ။

တႆးလွတ်ႈလႅဝ်း