ၽူႈၸႂ်ႉတိုဝ်း Apple iPhone, Apple iPad တၢဝ်းလူတ်ႇ Application သိုဝ်ႇၶၢဝ်ႇ တႆးလွတ်ႈလႅဝ်း လႆႈယဝ်ႉ

ပွင်ႇလႅင်းထိုင် ၽူႈပၼ်ႁႅင်းသိုဝ်ႇၶၢဝ်ႇ တႆးလွတ်ႈလႅဝ်း ႁဝ်းၶႃႈတင်းသဵင်ႈ သင်ဝႃႈ ၽူႈၸႂ်ႉတိုဝ်း iPhone , iPad ၶႂ်ႈတၢဝ်းလူတ်ႇ Application  တႆးလွတ်ႈလႅဝ်းၼႆ တၢဝ်းလူတ်ႇလႆႈတီႈ ၼႂ်း App Store လႆႈယူႇယဝ်ႉ။

သင်ဝႃႈ ၽူႈၸႂ်ႉတိုဝ်း Apple iPhone, Apple iPad ၶဝ်ႈၵႂႃႇတီႈၼႂ်း App Store ယဝ်ႉၼႆ တႅမ်ႈႁႃၸိုဝ်ႈ “Tai Freedom” (တေပဵၼ်ႁၢင်ႈလူဝ်ႇၵူဝ်ႇ တႆးလွတ်ႈလႅဝ်း လႄႈ ပႅၵ်ႉၵရွင်းသီႇသွမ်ႇ) သေ ၸၼ်တၢဝ်းလူတ်ႇဝႆႉ တီႈၼႂ်းၾူင်းၽႂ်မၼ်း လႄႈ ၶဝ်ႈလူဢၢၼ်ႇၶၢဝ်ႇ ဢၼ်ပဵၼ်တႄႉမီးတႄႉ ၼႂ်းၸိုင်ႈတႆးႁဝ်းၶႃႈ လႆႈယူႇဢေႃႈ။

ထႅင်ႈဢၼ်ၼိုင်ႈ ၽူႈပၼ်ႁႅင်းႁဝ်းၶႃႈ ၸိူဝ်းၸႂ်ႉတိုဝ်းၾူၼ်း Android သမ်ႉ ၶဝ်ႈၵႂႃႇတီႈၼႂ်း Play Store တႅမ်ႈႁႃ com.taifreedom.news (ၽၢႆႇတႆး) ၊ com.taifreedom.burnews (ၽၢႆႇမၢၼ်ႈ) သေ တၢဝ်းလူတ်ႇဝႆႉ ၼႂ်းၾူင်းၽႂ်မၼ်း လႄႈ လူဢၢၼ်ႇၶၢဝ်ႇ ဢၼ်ပဵၼ်တႄႉမီးတႄႉ ၼႂ်းၸိုင်ႈတႆးႁဝ်းၶႃႈ လႆႈယူႇမိူၼ်ၵၼ်။

ၸိုဝ်ႈဝႅပ်ႉသၢႆႉ တႆးလွတ်ႈလႅဝ်း www.taifreedom.com ၼၼ်ႉ သင်ဝႃႈ ၽူႈပၼ်ႁႅင်းႁဝ်းၶႃႈ တဵၵ်းၵႂႃႇတီႈ ၽႃႇသႃႇ ၼၼ်ႉၼႆ တေၵႂႃႇတီႈ ၼႃႈဝႅပ်ႉသၢႆႉၽႃႇသႃႇလႂ်ၽႃႇသႃႇၼၼ်ႉ ယူႇယဝ်ႉ။

တႆးလွတ်ႈလႅဝ်း