ၾူၼ်တူၵ်းၽွင်းၶၢဝ်းၵတ်းပႃးမၢၵ်ႇႁဵပ်း တီႈတၢင်ႉယၢၼ်း

ၾူၼ်တူၵ်းၽွင်းၶၢဝ်းၵတ်း သမ်ႉပႃးမၢၵ်ႇႁဵပ်းၸွမ်းထႅင်ႈ တိူဝ်းႁႅင်းၵတ်းလိူဝ်လၢႆပုၼ်ႈ တီႈဝဵင်းတၢင်ႉယၢၼ်း မိူင်းတႆးပွတ်းႁွင်ႇ။

မိူဝ်ႈဝၼ်းထီႉ 23 December 2021 (လိူၼ်ၸဵင်လွင်ႈ 5 ၶမ်ႈ ပီႊတႆး 2116 ၼီႈ) တႄႇယၢမ်းၵၢင်ၶမ်ႈ မွၵ်ႈ 17:00 မူင်း ၾူၼ်တႄႇတူၵ်းတီႈဝဵင်းတၢင်ႉယၢၼ်း ဝၢႆးၼၼ်ႉဢမ်ႇႁိုင်သင် မီးပႃးမၢၵ်ႇႁဵပ်းတူၵ်း ၸွမ်းလင် မွၵ်ႈ 15 မိၼိတ်ႉၸိူဝ်းၼႆႉ ၼႆယဝ်ႉ။

ၵူၼ်းၼႂ်းပိုၼ်ႉတီႈလၢတ်ႈဝႃႈ − မၢၵ်ႇႁဵပ်းလုၵ်ႈယႂ်ႇလုၵ်ႈလူင် မီးတၢၼ်ႇမၢၵ်ႇၵၢင်ႇၵွၼ်၊ တူၵ်းလူင်းမႃးၼမ်ၼႃႇ၊ ၾူၼ်ၵေႃႈတူၵ်း ၾႆးၵေႃႈမွတ်ႇ၊ လွင်ႈလူႉသုမ်းတႄႉ ဢမ်ႇႁၼ်ငိၼ်းမႅၼ်ႈၼင်ႇၵဝ်ႇ ၼႆယဝ်ႉ။

မိူဝ်ႈၼႆႉ ဝၼ်းထီႉ 24 December 2021 (လိူၼ်ၸဵင်လွင်ႈ 6 ၶမ်ႈ ပီႊတႆး 2116 ၼီႈ) ၼႆႉတႄႉ ၾႃႉပၢင်ႇမႃးယဝ်ႉၼင်ႇၵဝ်ႇ ၵူၺ်းၵႃႈၶႂ်ႈၵတ်းႁႅင်းဝႆႉ ဝႃႈၼႆ။

တႆးလွတ်ႈလႅဝ်း

ၶႅပ်းႁၢင်ႈ − ၵူၼ်းၼႂ်းပိုၼ်ႉတီႈ