တပ်ႉသိုၵ်းၸိုင်ႈတႆး RCSS/SSA သိမ်းလႆႈယႃႈမဝ်းၵမ်

တပ်ႉသိုၵ်းၸိုင်ႈတႆး RCSS/SSA ဢၼ်ဢဝ်ႁူမ်ႇလူမ်ႈ ပေႃႈမႄႈၵူၼ်းမိူင်း ၼႂ်းတူင်ႇဝၢၼ်ႈမႆႉၶိုၼ်ႈၵေႃ ဢိူင်ႇမိူင်းလၢင်း ၸႄႈဝဵင်းႁူဝ်ပူင်း ၸိုင်ႈတႆးပွတ်းၸၢၼ်း ၼၼ်ႉ သိမ်းလႆႈယႃႈမႃႉ တီႈၵူၼ်းၵႃႉၶၢႆ ယႃႈမဝ်းၵမ်။

မိူဝ်ႈဝၼ်းထီႉ 13 April 2020 (လိူၼ် 5 လွင်ႈ 6 ၶမ်ႈ ပီႊတႆး 2114 ၼီႈ) ယၢမ်းၵၢင်ၼႂ်ၸဝ်ႉ 02:00 မူင်း မီးၵူၼ်းၵႃႉၶၢႆယႃႈမဝ်းၵမ်ၵေႃႉၼိုင်ႈ ႁေႃႈလူတ်ႉၶိူင်ႈ မုင်ႈၼႃႈၵႂႃႇတီႈဝၢၼ်ႈမႆႉၶိုၼ်ႈၵေႃ သေ ၵႂႃႇႁၼ်ၺႃး တပ်ႉသိုၵ်းၸိုင်ႈတႆး  RCSS/SSA ဢၼ်ဢဝ်ႁူမ်ႇလူမ်ႈ ပေႃႈမႄႈၵူၼ်းမိူင်း ဝႆႉၼၼ်ႉလႄႈ ၼႅတ်ႈၵိုတ်းလူတ်ႉၶိူင်ႈယဝ်ႉ လႅၼ်ႈပၢႆႈဝႃႈၼႆ။

ယွၼ်ႉလပ်းသိင်ႇသေ ၵေႃႉသိုၵ်း တပ်ႉသိုၵ်းၸိုင်ႈတႆး RCSS/SSA ဢမ်ႇလႆႈလမ်းတီႉၺွပ်း ၵူၼ်းၵႃႉၶၢႆ ယႃႈမဝ်းၵမ် ၵေႃႉလႅၼ်ႈပၢႆႈၼၼ်ႉဝႃႈၼႆ ၊ ၵေႃႉသိုၵ်း တပ်ႉသိုၵ်းၸိုင်ႈတႆး RCSS/SSA လႆႈၵႂႃႇၵူတ်ႇထတ်း တီႈလူတ်ႉၶိူင်ႈမၼ်းၸၢႆး ဢၼ်ပွႆႇၵိုတ်းဝႆႉတီႈ ၵၢင်တၢင်းၼၼ်ႉသေ လႆႈထူပ်းႁၼ် ယႃႈမႃႉ 6,112 မဵတ်ႉ ၼႆယဝ်ႉ။

မိူဝ်ႈၼႂ်းၵၢင်လိူၼ် February 2020 ၼၼ်ႉၵေႃႈ ၵေႃႉသိုၵ်း တပ်ႉသိုၵ်းၸိုင်ႈတႆး RCSS/SSA ၵူတ်ႇထတ်းၼႂ်းပိုၼ်ႉတီႈသေ တီႉၺွပ်းလႆႈၵူၼ်းၵႃႉၶၢႆ ယႃႈမဝ်းၵမ် 6 ၵေႃႉ လႄႈ သိမ်းလႆႈ ယႃႈမဝ်းၵမ် တင်းၼမ်။

တႆးလွတ်ႈလႅဝ်း