Bergamottin မၢၵ်ႇၵုတ်ႇၼႆႉ ယူတ်းယႃပၼ်တၢင်းပဵၼ် COVID-19 လႆႈ

ဢိင်လူၺ်ႈၶၢဝ်ႇ TNN World လၢႆးငၢၼ်းၼႄၶၢဝ်ႇၵႂႃႇဝႃႈ မိူဝ်ႈဝၼ်းထီႉ 7 July 2022 (လိူၼ်ပႅတ်ႇမႂ်ႇ 10 ၶမ်ႈပီႊတႆး 2116 ၼီႈ) ၽူႈၶူၼ်ႉၶႂႃႉၽၢႆႇပၢႆးယူႇလီ မိူင်းၶႄႇ ပိုၼ်ၽၢဝ်ႇၼႄဝႃႈ Bergamottin မၢၵ်ႇၵုတ်ႇၼႆႉၶဵင်ႇတႃႉ ၸွမ်း COVID-19 လႆႈလႄႈတၢင်းပဵၼ်ထႅင်ႈ လၢႆလၢႆလွင်ႈ ဝႃႈၼႆ။

ၽူႈၶူၼ်ႉၶႂႃႉၶဝ်ၸၢမ်းဢဝ် Bergamottin မၢၵ်ႇၵုတ်ႇယူတ်းယႃတူၺ်းတၢင်းပဵၼ် COVID-19 ဢိၵ်ႇတၢင်းပဵၼ် လၢႆလၢႆလွင်ႈ ႁၼ်ဝႃႈယႃၶႅၼ်းလႆႈ၊ ယွၼ်ႉဝႃႈမၢၵ်ႇၵုတ်ႇၼႆႉ တေၵႂႃႇၸွႆႈႁႄႉႁၢမ်ႈၵွင်ႉ ဢၼ်မီးၼႂ်းတူဝ် ၶိင်းႁဝ်း ဢမ်ႇပၼ်ၵွင်ႉၽႄႈလၢမ်း ၼႆယဝ်ႉ။

ဢၼ်လႆႈၸၢမ်းယႃတူၺ်းၼႆႉတႄႇၸၢမ်းတူၺ်းတီႈ ၼူ 50 မီႇလီႇၵရမ်ႇ တေႃႇၼမ်ႉၼၵ်း 1 ၵီႇလူဝ်ႇၵရမ်ႇလႄႈ75 မီႇလီႇၵရမ်ႇတေႃႇၼမ်ႉၼၵ်း 1 ၵီႇလူဝ်ႇၵရမ်ႇ ၼႆလႄႈ 2 လၢႆးၼႆႉၵေႃႈ ႁဵတ်းႁႂ်ႈ ၸိူဝ်ႉၽၼ်း COVID-19 ဢၼ်မီးဝႆႉၼႂ်းလုပ်ႇၶူးၼင်ၼူၼၼ်ႉလူတ်းယွမ်းၵႂႃႇလႄႈ ၵၢၼ်ၽိတ်းပၵတိၶွင် ယႂ်းၼိူဝ်ႉၼင်ပွတ်ႇၼူၼၼ်ႉ ႁၢႆၶႅၼ်း ၾၢင်ႁၢင်ႈၼမ်ႉၼၵ်းၽိတ်းပတိဝႆႉၼၼ်ႉ ၵေႃႈလူတ်းလူင်းၵႂႃႇ တႄႉတႄႉ ဝႃႈၼႆ။

ၸိူင်ႉႁိုဝ်ၵေႃႈလီယႃႈယႃ ထၢတ်ႈ Bergamottin ၼႂ်းမၢၵ်ႇၵုတ်ႇၼၼ်ႉ ယၢမ်ႈဢဝ်မႃးၸႂ်ႉယူတ်းယႃ ၵႅၼ်ႇသႃႇလၢႆလၢႆ သႅၼ်း ႁူမ်ႈထိုင်ၵႅၼ်ႇသႃႇ ၼႂ်းႁူင်းၶဝ်ႈ လႄႈ ဢဝ် Bergamottin သိုပ်ႇမႃးၸၢမ်း ယူတ်းယႃတူၺ်းတၢင်းပဵၼ် COVID-19 လႄႈႁၼ်ဝႃႈ တၢင်းပဵၼ် COVID-19 ၵေႃႈႁၢႆလၢႆလႆႈယူႇတႄႉၼႆ ႁၼ်ဝႆႉဝႃႈၼႆ။

တႆးလွတ်ႈလႅဝ်း