RCSS/SSA ႁူပ်ႉထူပ်းၸွႆႈထႅမ်ၵူၼ်းမိူင်း ၼႂ်းဢိူင်ႇၵုၼ်ၼႃး

မိူဝ်ႈဝၼ်းထီႉ 5 November 2024 (လိူၼ်သိပ်းသွင်မႂ်ႇ 5 ၶမ်ႈ ပီႊတႆး 2118 ၼီႈ) ၽူႈမီးပုၼ်ႈၽွၼ်း လႄႈ ၵေႃႉသိုၵ်းၵေႃႉႁၢၼ် RCSS/SSA ဢွၼ်ၵၼ် လူင်းႁူပ်ႉထူပ်းၸွႆႈထႅမ်ၵူၼ်းမိူင်း ၼႂ်းၸႄႈဝဵင်းမိူင်းၼၢႆး ဢိူင်ႇၵုၼ်ၼႃး မီးယူႇ 7 ဝၢၼ်ႈ ဝၢၼ်ႈလွႆလႅၼ်း၊ ဝၢၼ်ႈၵုင်းၵျွင်း၊ ဝၢၼ်ႈလွႆယူးၵႃႈ၊ ဝၢၼ်ႈသူၼ်မၢၵ်ႇယၢၼ်း၊ ဝၢၼ်ႈၼမ်ႉမေႃႇသူမ်ႈ၊ ဝၢၼ်ႈၶူၵ်ႉၸၢၵ်ႈ၊ ဝၢၼ်ႈၵုၼ်ၼႃး ၸိူဝ်းၼႆႉ။

ၽူႈမီးပုၼ်ႈၽွၼ်းၶဝ်ၵေႃႈ လႆႈၸွႆႈထႅမ်ပၼ်ငိုၼ်း တွၼ်ႈတႃႇသိုဝ်ႉၸိူဝ်ႉၽၼ်း ၽုၵ်ႇသွမ်ႈတႅၼ်းတၢင်ၶိုၼ်း ဢၼ်လႆႈလူႉသုမ်းသူၼ်ႁႆႈလွၵ်းၼႃး ၽွင်းၼမ်ႉထူမ်ႈႁၢဝ်ႈႁႅင်း မိူဝ်ႈၼႂ်းလိူၼ် September ပူၼ်ႉမႃးၼၼ်ႉ တႃႇလင်ႁိူၼ်း 85 လင် ၼႆယူႇယဝ်ႉ။

ၼႂ်းပၢင်ႁူပ်ႉထူပ်းၼႆႉၵေႃႈ လႆႈမီးၵၢၼ်သပ်းလႅင်းၼႄလွင်ႈဢၼ် လႆႈမီးၵေႃၵမ်ၵၢၼ် ၸွႆႈထႅမ်ၵူၼ်းမိူင်းထူပ်းၽေးၼမ်ႉထူမ်ႈ ၼႂ်းပီႊ 2024 ၼႆႉလႄႈ လႆႈႁူမ်ႈႁပ်ႉထွမ်ႇသဵင်ၵၢင်ၸႂ် လွင်ႈတၢင်းယၢပ်ႇၽိုတ်ႇ ပေႃႈမႄႈၵူၼ်းမိူင်း ဢၼ်ထုၵ်ႇလီလႆႈၵႄႈၶႆဝၢႆးၼမ်ႉထူမ်ႈၸိူဝ်းၼႆႉပႃး ယူႇယဝ်ႉ။

တႆးလွတ်ႈလႅဝ်း