လုမ်းၵပ်းသၢၼ် RCSS ယိုၼ်ႈမွပ်ႈဝႂ်ယွင်ႈယေႃးပၼ် ၽူႈဢွင်ႇပူၼ်ႉၸၼ်ႉသိပ်း လႄႈ ၸၼ်ႉၸွမ်

လုမ်းၵပ်းသၢၼ် လူင်ပွင်ၸိုင်ႈ ၶွင်ႇသီႇဢဝ်ၶိုၼ်းၸိုင်ႈတႆး (RCSS) ဝဵင်းၵျွၵ်းမႄး ယိုၼ်ႈမွပ်ႈဝႂ်ယွင်ႈယေႃးပၼ် ၽူႈဢွင်ႇပူၼ်ႉၸၼ်ႉသိပ်း လႄႈ ၸၼ်ႉၸွမ် ၼႂ်းထုင်ႉပုင်ႇဝူဝ်း ၸႄႈဝဵင်းၵျွၵ်းမႄး မိူင်းတႆးပွတ်းႁွင်ႇ ဝႃႈၼႆ။

မိူဝ်ႈဝၼ်းထီႉ 15 December 2020 (လိူၼ်ၸဵင်မႂ်ႇ 1 ၶမ်ႈ ပီႊတႆး 2115 ၼီႈ) ၼႂ်းဝၼ်းပီႊမႂ်ႇၼၼ်ႉ ၼင်ႇႁိုဝ်ႁႂ်ႈပေႃးပဵၼ် တီႈမၢႆတွင်းၵိုၵ်းပိုၼ်း ဢိၵ်ႇ လွင်ႈယုၵ်ႉယွင်ႈ ၽူႈၸိူဝ်းဢွင်ႇပူၼ်ႉၸၼ်ႉသိပ်း လႄႈ ၸၼ်ႉၸွမ်ၼႆသေ ၸဝ်ႈႁၢၼ်ၼၢင်းမူဝ်း ၽူႈၵွၼ်းလုမ်းၵပ်းသၢၼ် လူင်ပွင်ၸိုင်ႈ ၶွင်ႇသီႇဢဝ်ၶိုၼ်းၸိုင်ႈတႆး (RCSS) ဝဵင်းၵျွၵ်းမႄး ယိုၼ်ႈမွပ်ႈဝႂ်ယွင်ႈယေႃးပၼ် ၽူႈၸိူဝ်းဢွင်ႇပူၼ်ႉ ၸၼ်ႉသိပ်း လႄႈ ၽူႈၸိူဝ်းဢွင်ႇပူၼ်ႉၸၼ်ႉၸွမ် ၼႂ်းထုင်ႉပုင်ႇဝူဝ်း ၸႄႈဝဵင်းၵျွၵ်းမႄး ၼႆယဝ်ႉ။

ပၢင်ယိုၼ်ႈမွပ်ႈဝႂ်ယွင်ႈယေႃး ၽူႈဢွင်ႇပူၼ်ႉၸၼ်ႉသိပ်း လႄႈ ၸၼ်ႉၸွမ်ၼႆႉ ၸဝ်ႈၶူးဝိလႃႇသ (လၢဝ်ၶိူဝ်း) ၸဝ်ႈၼင်ႈၵျွင်းပုင်ႇဝူဝ်း ဢွၼ်ႁူဝ် ၸတ်းႁဵတ်းၵႂႃႇတီႈ ဝိႁၢၼ်ႇလူင် ၵျွင်းပုင်ႇဝူဝ်းသေ ၽူႈဢၼ်လႆႈႁပ်ႉဝႂ်ယွင်ႈယေႃး မီးသင်ႇၶၸဝ်ႈ (5) တူၼ်၊ မႄႈၶၢဝ် (1) ပႃး၊ ၸၢႆး (11) ၵေႃႉ လႄႈ ယိင်း (25) ၵေႃႉ ႁူမ်ႈတင်းမူတ်း (42) ၵေႃႉ ဝႃႈၼႆ။

ၽူႈဢၼ်လႆႈႁပ်ႉဝႂ်ယွင်ႈယေႃး (42) ၵေႃႉၼႆႉ ပႃးၽူႈဢၼ်ဢွင်ႇပူၼ်ႉၸၼ်ႉၸွမ်သေ လႆႈၸုမ်ႈၶူး  (14) ၵေႃႉ၊ ပဵၼ်ၸဝ်ႈၶူးဝိလႃႇသ (B.A MCU Psychology)၊ ၸဝ်ႈၶူးၼၼ်ႇတထၸ (သႃႇသၼထၸ ထမ်ႇမႃႇၸရိယ ပၢႆးပုတ်ႉ) ပီႊ 2020 ၊ မႄႈၶၢဝ် မၼိၸၼ်ႇတႃႇ (သႃႇသၼထၸ ထမ်ႇမႃႇၸရိယ B.A M.A) B.A Economic M.A Buddhist studies ပီႊ 2019 ၊ ၸဝ်ႈၶူးဢၵ်ႇၵၺႃႇၼ (M.A) Linguistics (MCU) Thailand ပီႊ 2019 ၊ ၼၢင်းၶဵဝ်ၽွင်ၼူၼ်း (M.A) Oriental Studies ပီႊ 2020 ၊ ၸဝ်ႈၶူးၸေႃးတိၵ ၸွမ်ၶိူဝ်း (B.A) ပၢႆးၵၢၼ်မိူင်း ၵၢၼ်ဢုပ်ႉပိူင်ႇ ပီႊ 2020 ၊ ၸၢႆးဢူးလူႇ (B.A) B-Tech Civil ၊ ၸၢႆးၶိူဝ်းလီ (B.Sc (Botany) တူၼ်ႈသၢင်ႊ) Diploma In teaching ပီႊ 2013 ၊ ၼၢင်းၶမ်းၼွင်ႉလႅင်း (B.A) Law ပီႊ 2015 ၊ မေႃယႃၶမ်းလူႇ (B.A) Geography ပီႊ 2019 ၊ ၼၢင်းၶမ်းၵေႃႇ (B.A) ၊ ၼၢင်းမူၺ်ၸၢမ်ၼူၼ်း (B.A) ပၢႆးမၢၵ်ႈမီး ပီႊ 2014 ၊ ၼၢင်းတီႇတႃႇထုၼ်း (B.A) E major ၊ ယိင်းၸေႃး ၼၢင်းၵီႇဢွင်ႇ (B.A) English  လႄႈ ၼွၵ်ႈလိူဝ်ၼၼ်ႉသမ်ႉ ပဵၼ်ၵူၼ်းဢၼ်တိုၵ်ႉယဝ်ႉၸၼ်ႉသိပ်း  လႄႈ တိုၵ်ႉၶိုၼ်ႈႁဵၼ်းဝႆႉၸၼ်ႉၸွမ် ၼႆယဝ်ႉ။ 

တီႈၼႂ်းထုင်ႉပုင်ႇဝူဝ်းၼႆႉ ၽူႈဢၼ်ဢွင်ႇပူၼ်ႉၸၼ်ႉသိပ်း လႄႈ ၸၼ်ႉၸွမ် ႁူမ်ႈတင်းမူတ်း မီး (42) ၵေႃႉၼႆသေတႃႉ ၽူႈဢၼ်မႃးၶိုၼ်ႈႁွတ်ႈ ပၢင်ယိုၼ်ႈမွပ်ႈဝႂ်ယွင်ႈယေႃးၼႆႉ မီး 20 ပၢႆသေ ၼွၵ်ႈလိူဝ်သေၼၼ်ႉတႄႉ ဢမ်ႇတၼ်းမႃး ၶိုၼ်ႈႁွတ်ႈလႄႈ လႆႈသူင်ႇၽူႈတႅၼ်း မႃးၶဝ်ႈႁူမ်ႈ ႁပ်ႉဢဝ်ဝႂ်ယွင်ႈယေႃးၵႂႃႇ ၼႆယဝ်ႉ။

တႆးလွတ်ႈလႅဝ်း