ပီႈၼွင်ႉတႆး ၼႂ်းမိူင်းၶႄႇ ၸွႆႈထႅမ် RCSS/SSA

ပီႈၼွင်ႉတႆး ဢၼ်ၵႂႃႇႁဵတ်းၵၢၼ် ၸူဝ်ႈၶၢဝ်းၼႂ်းမိူင်းၶႄႇသေ မီးၸိုဝ်ႈၸုမ်းဝႆႉဝႃႈ ၸုမ်းၶိူဝ်းတႆး ၼႆၼၼ်ႉ မီးၼမ်ႉၸႂ်ၸေႇတၼႃႇသေ ဢဝ်ငိုၼ်းၸွႆႈထႅမ်ပၼ် တပ်ႉသိုၵ်းၸိုင်ႈတႆး RCSS/SSA ဢၼ်တူၵ်းပုၼ်ႈၽွၼ်း ပၵ်းသဝ်းဝႆႉၼႂ်းၼႃႈတီႈၵုမ်းၵမ်တီႈၼိုင်ႈ ၼႆယဝ်ႉ။

မိူဝ်ႈဝၼ်းထီႉ 12 May 2021 (လိူၼ်ႁူၵ်းမႂ်ႇ 12 ၶမ်ႈ ပီႊတႆး 2115 ၼီႈ) ၸုမ်းၶိူဝ်းတႆး မီးၼမ်ႉၸႂ်ႁၵ်ႉပႅင်းၼိူဝ် တပ်ႉသိုၵ်းၸိုင်ႈတႆး RCSS/SSA သေ ဢဝ်ငိုၼ်းၶႄႇ 1,700 (ၼိုင်ႈႁဵင်ၸဵတ်းပၢၵ်ႇ) ယွၼ်ႇ တူၵ်းမႅၼ်ႈငိုၼ်းထႆး 6,800 (ႁူၵ်းႁဵင်ပႅတ်ႇပၢၵ်ႇ) ဝၢတ်ႇ ၸွႆႈထႅမ်ပၼ် ၵေႃႉသိုၵ်းၵေႃႉႁၢၼ် ဢၼ်တူၵ်းပုၼ်ႈၽွၼ်း မီးၼႂ်းၼႃႈတီႈၵုမ်းၵမ်တီႈၼိုင်ႈ လႄႈ ႁႂ်ႈလႆႈပဵၼ် လွင်ႈၵမ်ႉၸွႆႈထႅမ် တႃႇၼႂ်းၵၢၼ်ၸိူဝ်ႉၸၢတ်ႈ ဝၢၼ်ႈမိူင်း ၽႃႇသႃႇ သႃႇသၼႃႇ ဝႃႈၼႆ။

ယူႇတီႈ ၽူႈမီးပုၼ်ႈၽွၼ်း RCSS/SSA ၵေႃႈပဵၼ်ဢၼ်ယိၼ်းႁူမ်ၸူမ်းတႄႉတႄႉလႄႈ လႆႈတၢင်တူဝ် ၵေႃႉသိုၵ်းၵေႃႉႁၢၼ်သေ ႁဵတ်းပၼ်ဝႂ်ယွင်ႈၵုင်ႇယေႃးမုၼ် တႃႇႁႂ်ႈပဵၼ်တီႈမၢႆတွင်းၵိုၵ်းပိုၼ်း ၽွင်းယၢမ်းသိုၵ်း လုၵ်ႉၽိုၼ်ႉၵႅတ်ႇၶႄဢဝ်ၶိုၼ်းမိူင်းၸိုင်ႈတႆး ၼႆယဝ်ႉ။

တႆးလွတ်ႈလႅဝ်း