ႁိူဝ်းတၢင်ႇၵူၼ်းပၢႆႈၽေးပိၼ်ႈၸူမ်လႄႈ မီးၵူၼ်းတၢႆ 70 ပၢႆ

ႁိူဝ်းသၢင်းၽေႃးဢၼ်တၢင်ႇဝႆႉ ၵူၼ်းပၢႆႈၽေးတၢင်းၼမ်ႉၼၼ်ႉ ပဵၼ်ၽေးၵိုင်ႉၵၢင်ႉ ႁိူဝ်းပိၼ်ႈၸူမ် ၼႂ်းပိုၼ်ႉတီႈဢေႃႉပႃႇရူႇ ၸႄႈမိူင်းဢၼၢမ်ႇပရႃႇ ၸိုင်ႈမိူင်းၼၢႆႇၵျီးရီးယႃး လႄႈ မီးၵူၼ်းဢၼ်ၶီႇၸွမ်းႁိူဝ်း လႆႈတၢႆၸွမ်းတင်းၼမ်တင်းလၢႆ ၼႆယဝ်ႉ။

မိူဝ်ႈဝၼ်းထီႉ 10 October 2022 (လိူၼ်သိပ်းဢဵတ်းလွင်ႈ 1 ၶမ်ႈ ပီႊတႆး 2116 ၼီႈ) ၼၼ်ႉ ၵူၼ်းမိူင်းၼႂ်းပိုၼ်ႉတီႈ မိူင်းၼၢႆႇၵျီးရီးယႃး တႃႇမွၵ်ႈ 80 ၵေႃႉ ဢွၼ်ၵၼ်ၶိုၼ်ႈႁိူဝ်းလမ်းၼိုင်ႈ မုင်ႈၼႃႈၵႂႃႇႁႃဢွင်ႈတီႈလွတ်ႈၽေးလႄႈ သမ်ႉၵႂႃႇပဵၼ်ၽေးၵိုင်ႉၵၢင်ႉႁိူဝ်းပိၼ်ႈၸူမ်သေ မီးၵူၼ်းတၢႆၵႂႃႇ 76 ၵေႃႉ ၵမ်ႉၼမ်ပဵၼ်လုၵ်ႈဢွၼ်ႇလႄႈၼၢင်းယိင်း ဝႃႈၼႆ။

ၵဵဝ်ႇလူၺ်ႈလွင်ႈၼႆႉသေ မူဝ်ႇႁႃႇမႅတ်ႉတူပူႇႁႃႇရီႇ ၵေႃႉပဵၼ်ၸွမ်ၸိုင်ႈမိူင်းၼၢႆႇၵျီးရီးယႃး ၵေႃႈ လႆႈဢွၵ်ႇမႃးလၢတ်ႈၶေႃႈၵႂၢမ်းမွင်ၸႂ်ၸွမ်း လွင်ႈၵူၼ်းမိူင်းလႆႈပဵၼ်ၽေးၵိုင်ႉၵၢင်ႉႁိူဝ်းပိၼ်ႈၸူမ် ၼႆႉယူႇယဝ်ႉ။

ၼင်ႇႁိုဝ် ပေႃးတေဢမ်ႇပဵၼ်ၽေးၵိုင်ႉၵၢင်ႉ ၸိူင်ႉၼႆထႅင်ႈၼၼ်ႉၵေႃႈ တၢင်းၽၢႆႇ ၽူႈမီးပုၼ်ႈၽွၼ်း မိူင်းၼၢႆႇၵျီးရီးယႃး လႆႈၸီႉသင်ႇဝႆႉ ႁႂ်ႈမီးလွင်ႈၵူတ်ႇထတ်းတူၺ်း ႁိူဝ်း လႄႈ လွင်ႈၸႂ်ႉသဵၼ်ႈတၢင်းၼမ်ႉ ၸိူဝ်းၼႆႉပႃးယူႇၼႆယဝ်ႉ။

တႆးလွတ်ႈလႅဝ်း
ၶေႃႈမုၼ်း−BBC