ၼမ်ႉထူမ်ႈၵူဝ်းရီးယႃးၸၢၼ်း ႁၢဝ်ႈႁႅင်း

မိူဝ်ႈၼႆႉဝၼ်းထီႉ 17 July 2023 (ပ−လိူၼ်ပႅတ်ႇလပ်း ပီႊတႆး 2117 ၼီႈ) သိုဝ်ႇၶၢဝ်ႇၼွၵ်ႈမိူင်းတင်းၼမ် လၢႆးငၢၼ်း ၼမ်ႉထူမ်ႈႁၢဝ်ႈႁႅင်း လၢႆပိုၼ်ႉတီႈ ၼႂ်းမိူင်းၵူဝ်းရီးယႃးၸၢၼ်းၼၼ်ႉ ႁဵတ်းႁႂ်ႈမီးၵူၼ်းလူႉသဵင်ႈတၢႆၵႂႃႇယဝ်ႉ ဢမ်ႇယွမ်း 39 ၵေႃႉ ဝႃႈၼႆ။

ၽူၼ်တူၵ်းႁၢဝ်ႈႁႅင်းၼႂ်းမိူင်းၵူဝ်းရီးယႃးၸၢၼ်း တႄႇဢဝ်ဝူင်ႈပူၼ်ႉမႃးလႄႈ ႁဵတ်းႁႂ်ႈၼမ်ႉၵိုင်ႉၵၢင်ႉထူမ်ႈႁၢဝ်ႈႁႅင်းမႃး လိၼ်ၵူၼ်ႇပင်းလၢႆပိုၼ်ႉတီႈ မီးၵူၼ်းလူႉသဵင်ႈတၢႆၵႂႃႇယဝ်ႉ ဢမ်ႇယွမ်း 39 ၵေႃႉ ၸွမ်းၼင်ႇၶေႃႈမုၼ်း တၢင်းၵၢၼ်လူင်ပွင်ၸိုင်ႈမီးဝႆႉၼၼ်ႉလႄႈ ယင်းမီးၵူၼ်းႁၢႆၵႂႃႇဢမ်ႇယွမ်း 9 ၵေႃႉ၊ မၢတ်ႇၸဵပ်း ဢမ်ႇယွမ်း 34 ၵေႃႉ ၵူၼ်းလႆႈၶၢႆႉပၢႆႈႁႃတီႈလွတ်ႈၽေးဢမ်ႇယွမ်း 10,000 ၵေႃႉ။

ၽေးသၽႃႇဝၼႂ်းမိူင်းၵူဝ်းရီးယႃးၸၢၼ်းပွၵ်ႈၼႆႉ လႆႈဝႃႈႁၢႆႉႁႅင်းလိူဝ်သေပီႊပူၼ်ႉမႃး ဢၼ်ၼမ်ႉထူမ်ႈလိၼ်ၵူၼ်ႇပင်းသေ ႁဵတ်းႁႂ်ႈမီးၵူၼ်းလူႉသဵင်ႈတၢႆ ဢမ်ႇယွမ်း 11 ၵေႃႉ ၼၼ်ႉၼႆယဝ်ႉ။

တႆးလွတ်ႈလႅဝ်း