ဢိင်ႇသၼ်ႇတီႈမိူင်းၵျႃႇပၢၼ်ႇႁၢဝ်ႈႁႅင်း မီးလွင်ႈလူႉသုမ်းတင်းၼမ် လႄႈ မီးၵူၼ်းလူႉတၢႆပႃး

ဢိင်ႇသၼ်ႇတီႈမိူင်းၵျႃႇပၢၼ်ႇႁၢႆႉႁႅင်းသုတ်းလႄႈ မီးၵူၼ်းလူႉသဵင်ႈတၢႆၵႂႃႇယဝ်ႉ 8 ၵေႃႉ သေဢမ်ႇၵႃး ယင်းမီးႁွၼ်ႇၼမ်ႉလူင်သိုဝ်ႇၼႃႇမိ (Tsunami) ၽတ်ႉၶဝ်ႈ ႁိူၼ်းၵူၼ်းမိူင်းလူႉၵွႆၼမ်။

မိူဝ်ႈဝႃးဝၼ်းထီႉ 1 January 2024 (လိူၼ်ၸဵင်လွင်ႈ 5 ၶမ်ႈ ပီႊတႆး 2118 ၼီႈ) ဢိင်ႇသၼ်ႇႁၢဝ်ႈႁႅင်းတီႈၼႂ်းမိူင်းၵျႃႇပၢၼ်ႇ တွၼ်ႈၵၢင် ႁႅင်းသၼ်ႇဝႆမီးယူႇမွၵ်ႈ 7.6 ရိၵ်ႇတိူဝ်ႇ လႄႈ ႁႅင်းထိုင် ၶၵ်ႉထီႉ 7  လႆႈဝႃႈပဵၼ်ၸၼ်ႉသုင်သုတ်း ႁႅင်းၶွင်ဢိင်ႇသၼ်ႇၼႂ်းမိူင်းၵျႃႇပၢၼ်ႇ မီးၵူၼ်းလူႉသဵင်ႈတၢႆၵႂႃႇယဝ်ႉ 8 ၵေႃႉလႄႈ သၢႆၵၢၼ်လႅၼ်ႈလူတ်ႉၾႆး Shinkansen ၵိုတ်းယင်ႉဝႆႉတင်းမူတ်း ၸွမ်းလူၺ်ႈဢိင်ႇသၼ်ႇႁၢဝ်ႈႁႅင်း ဝႃႈၼႆ။

ၼွၵ်ႈလိူဝ်သေၼၼ်ႉ ယင်းမီးလွင်ႈပၼ်ၾၢင်ႉပႃး ၵူၼ်းၸိူဝ်းဢၼ်ယူႇႁိမ်းၸမ်ၽင်ႇပၢင်ႇလၢႆႇၼၼ်ႉ ဢမ်ႇပႆႇထုၵ်ႇလီပွၵ်ႈၶိုၼ်းတီႈႁိူၼ်း ၸွမ်းလူၺ်ႈမီးႁွၼ်ႇၼမ်ႉလူင်သိုဝ်ႇၼႃႇမိ (Tsunami) ၽတ်ႉၶဝ်ႈ သုင်ထိုင် 3-5 မီႇတိူဝ်ႇသေ ႁိူၼ်းၵူၼ်းမိူင်း ဢၼ်ယူႇၸမ်ၽင်ႇပၢင်ႇလၢႆႇပွတ်းၼၼ်ႉ လူႉၵွႆတင်းၼမ်ၼႆယူႇယဝ်ႉ။

တႆးလွတ်ႈလႅဝ်း