ၵူၼ်းႁဝ်းၼိုင်ႈဝၼ်းလူဝ်ႇဢဵၼ်ႁႅင်းၵႃႈႁိုဝ်

ဢႃႇႁႃႇရ တၢင်းၵိၼ်ၼႆႉ တေလႆႈဝႃႈပဵၼ်ဢၼ်လမ်ႇလွင်ႈ ၼႂ်းလွင်ႈၵၢၼ်ၸႂ်ႉၸၢတ်ႈပၢၼ်ဢၼ်ၼိုင်ႈ ၵူၺ်းၵႃႈမၢင်ပွၵ်ႈ သင်ဝႃႈၼမ်ပူၼ်ႉတီႈၼႆၸိုင် တေၸၢင်ႈႁဵတ်းႁႂ်ႈၼမ်ႉၼၵ်းပူၼ်ႉသေပီး၊  သင်ဝႃႈၵိၼ်ဢေႇႁႅင်းၼႃႇၼႆသမ်ႉ တေၸၢင်ႈႁဵတ်းႁႂ်ႈၸဵဝ်းတွင်ႉမႆႈလႆႈ။ ယွၼ်ႉၼၼ်လႄႈ ၵူၼ်းႁဝ်းထုၵ်ႇလီၵိၼ်တၢင်းၵိၼ်ႁႂ်ႈမႅၼ်ႈၸွမ်းၼင်ႇ ဢၼ်တူဝ်ၶိင်းႁဝ်းလူဝ်ႇ ၵူၺ်းၵႃႈၼႂ်းဝၼ်းလႂ်ဝၼ်းၼၼ်ႉၼၼ်ႉ တူဝ်ၶိင်းၵူၼ်းႁဝ်း တေလူဝ်ႇဢဵၼ်ႁႅင်းဢမ်ႇမိူၼ်ၵၼ်။

ၼႂ်းၼိုင်ႈဝၼ်းၼႆႉ သင်ဝႃႈပဵၼ်ၽူႈၸၢႆးၼႆ လူဝ်ႇဢႅၼ်ႁႅင်းတႃႇၸႂ်ႉ မွၵ်ႈ 1,800−2,000  Kilocalories သင်ဝႃႈပဵၼ်ၼၢင်းယိင်းသမ်ႉ တေလူဝ်ႇဢဵၼ်ႁႅင်းတေႃႇဝၼ်းမွၵ်ႈ  1,500− 1,800 kilocalories သမ်ႉထႅင်ႈ လွင်ႈၼႆႉမၼ်းၵေႃႈ ယူႇတီႈတူဝ်ၶိင်းၵူၼ်းႁဝ်းဝႃႈ ႁဝ်းမီးၶႆမၼ်းဢၼ်လိူဝ်ၼႂ်းတူဝ်ၶိင်းၼမ်မွၵ်ႈၵႃႈႁိုဝ် လႄႈၼႂ်းၼိုင်ႈဝၼ်းၼႆႉ မီးလွင်ႈဢၼ်လူဝ်ႇႁဵတ်းၼမ်ၵႃႈႁိုဝ် ၼႆၼၼ်ႉယဝ်ႉ။

လိူဝ်သေၼႆႉ လွင်ႈတူဝ်ၶိင်းၵူၼ်းႁဝ်းလူဝ်ႇၼၼ်ႉ မၼ်းၵေႃႈတေၸႅၵ်ႇဢွၵ်ႇဝႆႉယူႇ 3 တွၼ်ႈ

• ၵူၼ်းဢၼ်ၸႂ်ႉဢဵၼ်ႁႅင်း မွၵ်ႈ 1,200−1,600 Calories ၼႆႉ တေပဵၼ်ၼၢင်းယိင်း ဢၼ်တူဝ်လဵၵ်ႉ သမ်ႉဢွၵ်ႇဢဵၼ်ႁႅင်းယူႇတႃႇသေႇ လႄႈၼၢင်းယိင်းဢၼ်တူဝ်ၶိင်းပၢၼ်ၵၢင် ဢမ်ႇလႆႈဢွၵ်ႇဢဵၼ်ႁႅင်း ယူႇတႃႇသေႇ  ၵူၺ်းၵႃႈ သမ်ႉတေလူတ်းၼမ်ႉၼၵ်း။
• ၵူၼ်းဢၼ်ၸႂ်ႉဢဵၼ်ႁႅင်းမွၵ်ႈ 1,600−2,000 Calories ၼၼ်ႉတေပဵၼ် ၼၢင်းယိင်းဢၼ်တူဝ်ယႂ်ႇ လႄႈ ၽူႈၸၢႆးဢၼ်တူဝ်လဵၵ်ႉ ၵူၺ်းၵႃႈ သမ်ႉၸႂ်ႉဢဵၼ်ႁႅင်းၼမ်၊ ၽူႈၸၢႆးဢၼ်တူဝ်ၶိင်းပၢၼ်ၵၢင် ဢမ်ႇၵႆႉလႆႈဢွၵ်ႇဢဵၼ်ႁႅင်းယူႇတႃႇသေႇ လႄႈၽူႈၸၢႆးဢၼ်တူဝ်ၶိင်းပၢၼ်ၵၢင် ဢၼ်ၸႂ်ႉႁႅင်းၼမ် သမ်ႉၶႂ်ႈလူတ်းၼမ်ႉၼၵ်း ။
• ၵူၼ်းဢၼ်ၸႂ်ႉဢဵၼ်ႁႅင်းၼိုင်ႈဝၼ်းမွၵ်ႈ 2,000–2,400 Calories တေပဵၼ် ၽူႈၸၢႆး လႄႈ ၼၢင်းယိင်း ဢၼ်တူဝ်ၶိင်းပၢၼ်ၵၢင် တေႃႇထိုင်တူဝ်ယႂ်ႇသေ ၵျိူၵ်ႈဢွၵ်ႇႁႅင်းတင်းဝၼ်း၊ ၽူႈၸၢႆးဢၼ်တူဝ်ယႂ်ႇႁႅင်း ၵူၺ်းဢမ်ႇလႆႈၸႂ်ႉႁႅင်းၼမ် လႄႈ ၽူႈၸၢႆး ဢၼ်တူဝ်ယႂ်ႇႁႅင်း ၸႂ်ႉၵၢၼ်ဢွၵ်ႇႁႅင်းၼမ် သမ်ႉၶႂ်ႈလူတ်းၼမ်ႉၼၵ်းထႅင်ႈ။

ပိၼ်ႇတႅမ်ႈ− ယိင်းၼွင်ႉ

တႆးလွတ်ႈလႅဝ်း

ဢၢင်ႈဢိင် −  Sanook