မၢၵ်ႇမႆႉဢၼ်မီးထၢတ်ႈၵိူဝ်ဝၢၼ်ၼမ်

ထၢတ်ႈၵိူဝ်ဝၢၼ်ၼႆႉ သင်ဝႃႈၵိၼ်ၼမ်ၼႃႇၼႆ တေၸၢင်ႈပဵၼ်ၽေးတေႃႇတူဝ်ၶိင်း ယွၼ်ႉၼၼ် ထုၵ်ႇလီၵိၼ်ပၼ်ႁႂ်ႈၵိုင်ႇတၢၼ်ႇၵူၺ်း ၼႆယူႇယဝ်ႉ။ ၵူၺ်းၵႃႈ မၼ်းၵေႃႈမီးယူႇၵူႈတီႈ ထိုင်တီႈႁဵတ်းႁႂ်ႈငိူင်ႉဝႄႈယၢပ်ႇ သမ်ႉဝႃႈတေႁူႉယူႇဝႃႈ ၵိူဝ်ဝၢၼ်ၼႆႉ သူင်ႇၽွၼ်းတုမ်ႉယွၼ်ႈတေႃႇတူဝ်ၶိင်း ႁဵတ်းႁႂ်ႈပဵၼ်တၢင်းပဵၼ် ယဵဝ်ႈဝၢၼ်၊ တၢင်းပဵၼ်ႁူဝ်ၸႂ် ၼႆၸိူဝ်းၼႆႉ။ ယွၼ်ႉၸိူဝ်းၼႆႉသေ တေၸၢင်ႈႁဵတ်းႁႂ်ႈ ၵူၼ်းႁဝ်းမၢင်ၵေႃႉ ငိူင်ႉဝႄႈလွင်ႈၵိၼ်မၢၵ်ႇမႆႉၵႂႃႇ။ ယွၼ်ႉၼၼ် ႁဝ်းမႃးတူၺ်းၸွမ်းၵၼ်ဝႃႈ ၸွင်ႇႁဝ်းသမ်ႉထုၵ်ႇလီၵိၼ်။

ၵိူဝ်ဝၢၼ်ဢၼ်မီးၼႂ်းမၢၵ်ႇမႆႉၼႆႉ တေပႅၵ်ႇပိူင်ႈၵၼ်တင်း ၵိူဝ်ဝၢၼ်ဢၼ်ၵူၼ်းႁဝ်းႁဵတ်းဢွၵ်ႇႁင်းၵူၺ်း မိူၼ်ၸိူင်ႉၼင်ႇ ၼမ်ႉၽိုင်ႈ၊ ၵိူဝ်ဝၢၼ်မၢၵ်ႇပၢဝ်ႉ၊ ၵိူဝ်ဝၢၼ်သီၶၢဝ်ၶၢဝ် ၸိူဝ်းၼႆႉ တေႁဵတ်းႁႂ်ႈ glycemic index သုင် ယွႆႈငၢႆႈလႄႈ ၸိုမ်းၶဝ်ႈၼႂ်းၼိူဝ်ႉၼႂ်းလိူတ်ႈ ဝႆးၽႂ်းသေ ထၢတ်ႈၵိူဝ်ဝၢၼ်ႈ ၼႂ်းလိူၼ်ႈၵေႃႈ တေပုင်ႈသုင်ၶိုၼ်ႈႁႅင်းၼၼ်ႉယဝ်ႉ။ ၵမ်းၼႆႉ ႁဝ်းမႃးတူၺ်းၸွမ်းၵၼ်ဝႃႈ မၢၵ်ႇမႆႉၸိူင်ႉႁိုဝ်လၢႆလၢႆ ဢၼ်မီးထၢတ်ႈၵိူဝ်ဝၢၼ်သုင်၊ ဢမ်ႇၸႂ်ႈဝႃႈဢမ်ႇၵိၼ်လႆႈ ၵူၺ်းထုၵ်ႇလီၵိၼ်ႁႂ်ႈၵိုင်ႇတၢၼ်ႇၵူၺ်းၼၼ်ႉယဝ်ႉ။

မၢၵ်ႇမႆႉ ဢၼ်မီးထၢတ်ႈၵိူဝ်ဝၢၼ်သုင် (10) မဵဝ်း

1. မၢၵ်ႇလိၼ်ႉၸီႇ

ပေႃးမၢၵ်ႇလိၼ်ႉၸီႇၼိုင်ႈဝၢၼ်ႇၸိုင် တေမီးထၢတ်ႉၵိူဝ်ဝၢၼ် ယူႇတီႈ 29 ၵရမ်ႇ။ မၢၵ်ႇမႆႉဢၼ်ဢွၵ်ႇၸွမ်းၼႂ်းမိူင်းမႆႈၼႆႉ တေမီးထၢတ်ႈၵိူဝ်ဝၢၼ်ၼမ် ယွၼ်ႉၼၼ် ပဵၼ်လွင်ႈတၢင်းဢၼ်ၼိုင်ႈ ဢၼ်ႁဵတ်းႁႂ်ႈႁဝ်းၵိၼ်လႆႈ ၼင်ႇၵိုင်ႇတၢၼ်ႇၵူၺ်း။ လိူဝ်သေၼၼ်ႉ သမ်ႉမီး Calcium 136 mg ၵူၺ်းဢၼ်ၼႄႉၼမ်းႁႂ်ႈၵိၼ်တေႃႇၼိုင်ႈဝၼ်းသမ်ႉပဵၼ် 75 mg ။

2. မၢၵ်ႇမူင်ႈသုၵ်း

ပေႃးမၢၵ်ႇမူင်ႈသုၵ်း ၼိုင်ႈဝၢၼ်ႇၸိုင် မီးထၢတ်ႈၵိူဝ်ဝၢၼ်ယူႇ 23 ၵရမ်ႇ ပဵၼ်မၢၵ်ႇမႆႉၼႂ်းၶၢဝ်းမႆႈ လႄႈ သမ်ႉပဵၼ်မၢၵ်ႇမႆႉမဵဝ်းဢၼ်မီး ထၢတ်ႈၵိူဝ်ဝၢၼ်သုင် ဝႃႈၼႆသေတႃႉ မၼ်းမီးထၢတ်ႈ vitamin A ပႃးလႄႈ ၸွႆႈႁႂ်ႈတႃၵႅၼ်ႇၶႅင်။

3. Cherry ဢၼ်ဢမ်ႇမီးမဵတ်ႉ

Cherry ဢၼ်ဢမ်ႇမီးမဵတ်ႉ ၼိုင်ႈဝၢၼ်ႇၼႆႉ တေမီးထၢတ်ႈၵိူဝ်ဝၢၼ် 20 ၵရမ်ႇ မၼ်းတေၼမ်လိူဝ်သေ ဢၼ်ႁႂ်ႈၵိၼ်တေႃႇၼိုင်ႈဝၼ်း၊ ဢမ်ႇပႅၵ်ႈပိူင်ႈသင်ဝႃႈ ယွၼ်ႉသင်လႄႈဢဝ်မႃးႁဵတ်းတၢင်းၵိၼ်ၸဵမ်းဝၢၼ် မိူၼ်ၼင်ႇ မၢၵ်ႇဢူမ်ၸဵမ်း ဝႃႇၸိူဝ်းၼႆႉလႆႈ။ ၵူၺ်းၵႃႈ ၽွၼ်းလီမၼ်းဢၼ်ၼိုင်ႈသမ်ႉ တေၸွႆႈႁဵတ်းႁႂ်ႈၼွၼ်းလပ်းလႆႈလီ မိူဝ်ႈၽွင်းယၢမ်းၵၢင်ၶိုၼ်းသေ ၽွၼ်းလီမၼ်းၵေႃႈတေမီးယူႇထႅင်ႈတင်းၼမ် မိူၼ်ၼင်ႇ သၢၼ် Free Radicals ဢၼ်တေတေႃႇသူႈပၼ်တၢင်းပဵၼ်ၵႅၼ်ႇသႃႇလႄႈ Potassium ၼၼ်ႉယဝ်ႉ။

4. မၢၵ်ႇၵႅမ်ႈၶွင်ႇ

မၢၵ်ႇၵႅမ်ႈၶွင်ႇၼႆႉ တေမီးထၢတ်ႈၵိူဝ်ဝၢၼ်ယူႇ 19 ၵရမ်ႇ ႁဝ်းတေပႅၵ်ႇပိူင်ႈၸႂ်ယူႇဝႃႈ မၢၵ်ႇၵႅမ်ႈၶွင်ႇပၢၼ်ၵၢင် မီး Carbohydrate 25 ၵရမ်ႇ ထႅင်ႈလွင်ႈၼိုင်ႈၵေႃႈ တေပဵၼ်မၢၵ်ႇမႆႉဢၼ်မီးသဵၼ်ႈယႂ်းၼမ်။    မၢၵ်ႇၵႅမ်ႈၶွင်ႇၼႆႉ ယင်းမီးပႃးသၢၼ် Free Radicals မိူၼ်ၼင်ႇ Vitamin C ဢၼ်ႁဵတ်းႁႂ်ႈႁႅင်းၶၢမ်ႇတူဝ်လီၼၼ်ႉယဝ်ႉ။

5. မၢၵ်ႇၸွၵ်းလုၵ်ႈယႂ်ႇ

မၢၵ်ႇၸွၵ်းလုၵ်ႈယႂ်ႇၼႆႉ တေမီးထၢတ်ႈၵိူဝ်ဝၢၼ်ယူႇတီႈ 17 ၵရမ်ႇ သင်ဝႃႈတႅၵ်ႈၵၼ်တင်းမၢၵ်ႇမႆႉတၢင်ႇမဵဝ်းၼႆ လႆႈဝႃႈၼမ်ယူႇ ၵူၺ်းၵႃႈ မၢၵ်ႇၸွၵ်းၼႆႉ ဢမ်ႇလႆႈၸဵမ်းဝၢၼ်လွင်ႈလဵဝ် ယင်းမီးသၢၼ် Free Radicals မိူၼ်ၼင်ႇ Vitamin C  ၼမ်လိူဝ်သေဢၼ်တူဝ်ၶိင်းၵူၼ်းႁဝ်းလူဝ်ႇ တေႃႇၼိုင်ႈဝၼ်း လႄႈယင်းမီးထႅင်ႈ သၢၼ်ဢၼ်တူဝ်ၶိင်းၵူၼ်းႁဝ်းလူဝ်ႇ တွၼ်ႈတႃႇႁဵတ်းၵၢၼ်လႆႈလီမိူၼ်ၼင်ႇ Selenium ၼၼ်ႉယဝ်ႉ။

6. Pear

Pear ၼႆႉ သင်ဝႃႈပဵၼ်ႁူၺ်ႇပၢၼ်ၵၢင်ၼႆ တေမီးထၢတ်ႈၵိူဝ်ဝၢၼ်ယူႇ 17 ၵရမ်ႇ ၼၼ်ႉယဝ်ႉ။ မၢၵ်ႇမႆႉဢၼ်မီးၸိုဝ်ႈဝႃႈ Pear ၼႆႉ ၸွႆႈႁဵတ်းႁႂ်ႈဢိမ်ႇႁိုင် ယွၼ်ႉဝႃႈမၼ်းတေမီးယႂ်းဢႃႇႁႃႇရယူႇ 6 ၵရမ်ႇ တေႃႇၼိုင်ႈလုၵ်ႈပၢၼ်ၵၢင် သေ ယင်းမီးထႅင်ႈထၢတ်ႈ vitamin ဢၼ်တူဝ်ၶိင်းၵူၼ်းႁဝ်းလူဝ်ႇတင်းၼမ်ၼၼ်ႉယဝ်ႉ။

7. Kiwi

Kiwi ၼႆႉ တေမီးထၢတ်ႈၵိူဝ်ဝၢၼ်ယူႇ 16 ၵရမ်ႇ တေပဵၼ်မၢၵ်ႇမႆႉသီၶဵဝ်သေ တူၺ်းတႄႉတေဢမ်ႇလႅပ်ႈဝၢၼ်။ ၵူၺ်းၸွင်ႇႁူႉႁိုဝ်ဝႃႈ Kiwi ၼိုင်ႈဝၢၼ်ႇၵူၺ်း ပၼ်ထၢတ်ႈၵိူဝ်ဝၢၼ်ထိုင် 16 ၵရမ်ႇ ၼၼ်ႉယဝ်ႉ။ ၸိူင်ႉႁိုဝ်ၵေႃႈလီ Kiwi ၼႆႉ ဢမ်ႇလႆႈမီးထၢတ်ႈၵိူဝ်ဝၢၼ်မဵဝ်းလဵဝ်ၵူၺ်း ယင်းမီးထႅင်ႈထၢတ်ႈ Vitamin C ၼမ်လိူဝ်သေဢၼ်တူဝ်ၶိင်းၵူၼ်းႁဝ်းလူဝ်ႇပဵၼ် 3 ပုၼ်ႈၵွၼ်ႇ လႄႈ Vitamin K ၸမ် 100% ၼၼ်ႉယဝ်ႉ။

8. မၢၵ်ႇၵဵင်

မၢၵ်ႇၵဵင်ၼႆႉ သင်ဝႃႈမီးၼမ်ႉၼၵ်း 150 ၵရမ်ႇ ၼႆၸိုင် တေမီးထၢတ်ႈၵိူဝ်ဝၢၼ်ယူႇ 16 ၵရမ်ႇ ပဵၼ်တၢင်းၵိၼ်ဢၼ်ဢွၵ်ႇၼႂ်းၶၢဝ်းမႆႈ။ ၵူၺ်းၵႃႈ ၵူၼ်းမၢင်ၸိူဝ်းသမ်ႉ ပေႃးၵိၼ်မၢၵ်ႇၵဵင်ၼႆ တေၵူဝ်ဝႃႈ ထၢတ်ႈၵိူဝ်ဝၢၼ်တေၶိုၼ်ႈၼႆယူႇ။ ၵူၺ်းၵႃႈမၢၵ်ႇၵဵင်ၼႆႉ မီးထၢတ်ႈၵိူဝ်ဝၢၼ်ယူႇ 16 ၵရမ်ႇၵူၺ်း ယွၼ်ႉၼၼ် မိူဝ်ႈတေၵိၼ်ၼၼ်ႉဢမ်ႇလူဝ်ႇဝူၼ်ႉၼမ်သင်။

9. မၢၵ်ႇဢိတ်ႇ

မၢၵ်ႇဢိတ်ႇၼိုင်ႈဝၢၼ်ႇၼႆႉ တေမီးထၢတ်ႈၵိူဝ်ဝၢၼ်ယူႇတီႈ 15 ၵရမ်ႇ သမ်ႉဝႃႈတေမီးထၢတ်ႈၵိူဝ်ဝၢၼ်သုင်သေတႃႉ ဢၼ်ၼႆႉ  တေပဵၼ်လွင်ႈတၢင်းဢၼ်ၼိုင်ႈ ဢၼ်ႁဵတ်းႁႂ်ႈမၼ်းဝၢၼ် လႄႈဢမ်ႇၸႂ်ႈမၢၵ်ႇမႆႉမဵဝ်းဢၼ်ႁၢမ်ႈၵိၼ်။ ၽွၼ်းလီမၢၵ်ႇဢိတ်ႇၼႆႉ မီးတင်းၼမ်ဢၼ်တူဝ်ၶိင်းၵူၼ်းႁဝ်းလူဝ်ႇ မိူၼ်ၼင်ႇ သင်ဝႃႈပဵၼ်မၢၵ်ႇဢိတ်ႇလႅင်ၼႆ တေမီးသၢၼ် Free Radicals ႁႄႉၵင်ႈတၢင်းပဵၼ်လၢႆလၢႆမဵဝ်း မီးၵၢၵ်ႇယႂ်းဢႁႃႇရသုင် ၼၼ်ႉယဝ်ႉ။ ဢမ်ႇဝႃႈတေပဵၼ်မၢၵ်ႇဢိတ်ႇဢၼ်ပဵၼ်သီလႅင်ႁိုဝ်သီၶဵဝ် တေမီးၵၢၵ်ႇယႂ်း ဢႁႃႇရ ဢၼ်ၸွႆႈႁဵတ်းႁႂ်ႈဢိမ်ႇႁိုင်၊ တူၺ်းထိုင်ပၼ်ထၢတ်ႈၵိူဝ်ဝၢၼ်ၼႂ်းလိူတ်ႈ လႄႈၸွႆႈႁဵတ်းႁႂ်ႈၽၢႆႈလႆႈလီ ၼၼ်ႉယဝ်ႉ။

10. ၵူၺ်ႈ

ၵူၺ်ႈၼႆႉ သင်ဝႃႈပဵၼ်သႅၼ်းပၢၼ်ၵၢင်ၼႆ တေမီးထၢတ်ႈၵိူဝ်ဝၢၼ်ယူႇ 14 ၵရမ်ႇ ပဵၼ်မၢၵ်ႇမႆႉမဵဝ်းဢၼ်ဝၢၼ်သေ တေမီးယႂ်းဢႁႃႇရ မိူၼ်ၼင်ႇ Potassium ၊ Magnesium ၸိူဝ်းၼႆႉယဝ်ႉ။ ၵူၺ်ႈၼႆႉ တေၵႆႉထၢင်ႇၽိတ်းၵၼ်ဝႃႈ ပဵၼ်မဵဝ်းဢၼ်မီး Calcium သုင် ၵူၺ်းၸွင်ႇႁူႉႁိုဝ်ဝႃႈ မၼ်းမီး ၽွၼ်းလီတေႃႇတူဝ်ၶိင်းတင်းၼမ် ၵူၺ်ႈၼိုင်ႈလုၵ်ႈမီးၵၢၵ်ႇယႂ်း 3 ၵရမ်ႇ ၸွႆႈႁဵတ်းႁႂ်ႈဢိမ်ႇႁိုင်၊ ၸွႆႈၵုမ်းထိင်းထၢတ်ႈၵိူဝ်ဝၢၼ်ၼႂ်းလိူတ်ႈ၊ ပၼ် Potassium  ထိုင် 422 mg  ၊ ၸွႆႈၵုမ်းထိင်းလိူတ်ႈသုင်၊ ၸွႆႈၵုမ်းထိင်းဢွၵ်းဢေႃလႄႈၵၢမ်ႈၼိူဝ်ႉ၊ မီးထၢတ်ႈ Magnesium သုင်သေ ၵူၺ်ႈၼိုင်ႈလုၵ်ႈပၼ် Magnesium 31 mg လူတ်းယွမ်းလွင်ႈႁူဝ်ၶႆႈ လႄႈတူၺ်းထိုင်ပၼ်လုပ်ႇ ၸိူဝ်းၼႆႉယဝ်ႉ။

ပိၼ်ႇတႅမ်ႈ − ယိင်းၼွင်ႉ

တႆးလွတ်ႈလႅဝ်း

ဢၢင်ႈဢိင် − https://www.sanook.com/women/250569/