ၽူႈမီးၼမ်ႉၸႂ် ၸွႆႈထႅမ်ၵႃႈၵိၼ်ယႅမ်ႉ တပ်ႉသိုၵ်းၸိုင်ႈတႆး RCSS/SSA

ႁႂ်ႈလႆႈပဵၼ်ႁႅင်းၸႂ်ပုၼ်ႈတႃႇၵေႃႉသိုၵ်း ၸိူဝ်းတူင်ႉၼိုင်ယူႇတီႈၼႂ်းၼႃႈသိုၵ်းၼႆသေ ယူႇတီႈ ၽူႈမီးၼမ်ႉၸႂ်ၶဝ် လႆႈဢဝ်တင်းငိုၼ်းတွင်း ၸွႆႈထႅမ်ပၼ်တီႈ ၵေႃႉသိုၵ်းတပ်ႉသိုၵ်းၸိုင်ႈတႆး RCSS/SSA ၵႂႃႇယူႇယဝ်ႉ။

ယူႇတီႈ ၸုမ်းသဵင်ထႅမ်ႁႅင်းမႂ်ႇ ဢိၵ်ႇတင်း ပီႈၼွင်ႉႁႅင်းၵၢၼ်ယၢၼ်မိူင်း ပီႈၼွင်ႉထုင်ႉမၢဝ်း ႁူမ်ႈၵၼ်ၸွႆႈထႅမ်ငိုၼ်းတွင်း တႃႇသိုဝ်ႉၶိူင်ႈၵမ်ႉၵႅမ်ၵိၼ်ယႅမ်ႉ တူၵ်းမႅၼ်ႈသၢင်ႉငိုၼ်းထႆး 8,400 ဝၢတ်ႇ လႅၵ်ႈပဵၼ်ငိုၼ်းမၢၼ်ႈ 1,000,000 (သိပ်းသႅၼ်ပျႃးတဵမ်တဵမ်) ပုၼ်ႈတႃႇၵေႃႉသိုၵ်းၵေႃႉႁၢၼ် ဢၼ်တူင်ႉၼိုင်ယူႇၼႂ်းၼႃႈသိုၵ်းတီႈၼိုင်ႈ ၼၼ်ႉၼႆယဝ်ႉ။

ယူႇတီႈၽူႈမီးပုၼ်ႈၽွၼ်းၶဝ် လႄႈ ၵေႃႉသိုၵ်းၵေႃႉႁၢၼ်ၶဝ်ၵေႃႈ ပဵၼ်ဢၼ်ယိၼ်းၸူမ်းၶွပ်ႈၸႂ်ယႂ်ႇၼမ်ထိုင် ၽူႈမီးၼမ်ႉၸႂ် ၽိူၵ်ႇၸိုၼ်ႈၶၢဝ်သႂ်ႁဝ်းၶဝ် ၵူႈၵေႃႉၵေႃႉၵူႈၸဝ်ႈၸဝ်ႈ ယူႇယဝ်ႉ။

တႆးလွတ်ႈလႅဝ်း