လၢဝ်း−ၶႄႇ−ရၢတ်ႉသျႃး ဢုပ်ႇဢူဝ်းၵၼ်

မိူဝ်ႈဝၼ်းထီႉ 25 July 2024 (လိူၼ်ပႅတ်ႇလွင်ႈ 5 ၶမ်ႈ ပီႊတႆး 2118 ၼီႈ) ၽွင်းလူင်ၽၢႆႇၼွၵ်ႈမိူင်း လၢဝ်း၊ ၶႄႇ၊ ရၢတ်ႉသျႃး လႆႈႁူပ်ႉထူပ်းဢုပ်ႇဢူဝ်းၵၼ် ပွၵ်ႈဢွၼ်တၢင်းသုတ်း တီႈဝဵင်းလူင် ဝဵင်းၸၼ် ၼႂ်းမိူင်းလၢဝ်းၼၼ်ႉ ၼႆယဝ်ႉ။

တင်းသၢမ်ၸိုင်ႈမိူင်း ပၼ်ၵႂၢမ်းမၼ်ႈတေႃႇၵၼ်ဝႃႈ တေသၢင်ႈလွင်ႈႁူမ်ႈမိုဝ်းၵၼ် ၼင်ႇႁိုဝ်တေၵႅတ်ႇၶႄလႆႈ ၽွၼ်းလီဢၼ်မီးႁူမ်ႈၵၼ် တီႈဢၼ်ႁဵတ်းႁႂ်ႈ မီးလွင်ႈလွတ်ႈလႅဝ်းလႄႈ လွင်ႈၶိုၼ်ႈယႂ်ႇမႂ်ႇသုင်ၼႂ်းပွတ်းတွၼ်ႈၼၼ်ႉ ဝႃႈၼႆ။

ၽွင်းလူင်ၽၢႆႇၼွၵ်ႈမိူင်း မိူင်းၶႄႇ ၵေႃႈဝႃႈ ၶႄႇၼၼ်ႉၵေႃႈ ၽွမ်ႉတႃႇတေႁူမ်ႈမိုဝ်းတင်းရၢတ်ႉသျႃး လႄႈ သိုပ်ႇၵမ်ႉထႅမ် ႁူမ်ႈမိုဝ်းတင်းဢႃႇသီႇယၼ်ႇၵႂႃႇထႅင်ႈ ဝႃႈၼႆ။

တႆးလွတ်ႈလႅဝ်း