လၢႆလၢႆၸုမ်းႁူမ်ႈၸွႆႈထႅမ် ၵူၼ်းထူပ်းၽေး လႄႈ လုၵ်ႈမေးၵူၼ်းသိုၵ်း RCSS/SSA

မိူဝ်ႈၼႂ်းဝၼ်းထီႉ  27 September 2024 ( လိူၼ်သိပ်းလွင်ႈ 10 ၶမ်ႈ ပီႊတႆး 2118 ၼီႈ ) ယူႇတီႈ ၸုမ်းမျႅတ်ႉတႃႇသြႃႇၽွမ်ႉႁူမ်ႈ၊ ၸုမ်းၸွႆႈထႅမ်ၵူၼ်းထူပ်းၽေး ၼႂ်းမိူင်းတႆး ၵဵင်းမႆႇ လမ်းပုၼ်း (21) ၸုမ်း  ၊ ၸဝ်ႈၶူးလူင်တႃး ဝတ်ႉၽႃႇၿၢတ်ႇသီႁွႆး ၊ ႁွင်ႈၵၢၼ်လူင်တိတ်းတေႃႇထႆး RCSS/SSA   ႁူမ်ႈႁွမ်းၵၼ်သေ ၸွႆႈထႅမ်ၵူၼ်းပၢႆႈၽေးပၢင်တိုၵ်း ဢိၵ်ႇတင်း လုၵ်ႈမေးၵူၼ်းသိုၵ်း RCSS/SSA တီႈၵွင်းမုင်ႈမိူင်း  ၼႂ်းၼႃႈတီႈၵုမ်းၵမ် RCSS/SSA မိူၼ်ၼင်ႇ ၶဝ်ႈသၢၼ် ၊ ၶူဝ်းၶွင်ၵိၼ်ယႅမ်ႉ ၊ ၶူဝ်းၼုင်ႈတၢင်းဝႆ တႃႇၵႃး 5 လမ်း ၼႆယဝ်ႉ ။

သိုပ်ႇသေၼၼ်ႉ ၸုမ်းမျႅတ်ႉတႃႇသြႃႇၽွမ်ႉႁူမ်ႈ ႁူမ်ႈႁွမ်း သၢင်ႉငိုၼ်း 10,000 ဝၢတ်ႇ ၊ မုင်ႉႁေႃႁိူၼ်း ပေႃႈၸၢင်းၽူဝ်းဢွင်ႇ + မႄႈၸၢင်းငူၺ်ႇ 10,000 ဝၢတ်ႇ ၊ ၸဝ်ႈၸၢင်းမႂ်ႇလူႇ ဝတ်ႉၸၢင်ႉၶမ်းၼွႆႉႁၢင်လူင်း 3,000 ဝၢတ်ႇ ႁူမ်ႈသၢင်ႉငိုၼ်း 2,3000 ဝၢတ်ႇသေ လူႇတၢၼ်းႁႂ်ႈပဵၼ်သတ်ႉထႃႇၸႃႇၵ ႁူဝ်သိၼ် လိူၼ်သိပ်းလပ်း တီႈၵွင်းမုင်ႈမိူင်း ၼႆယဝ်ႉ ။

ယူႇတီႈၽူႈမီးပုၼ်ႈၽွၼ်း  RCSS/SSA လႆႈတၢင်တူဝ် ၵူၼ်းပၢႆးၽေး လႄႈ လုၵ်ႈမေးၵူၼ်းသိုၵ်းသေ ယိၼ်းၸူမ်းၶွပ်ႈၸႂ်ယႂ်ႇၼမ်ထိုင် ၽူႈမီးၼမ်ႉၸႂ်ၸေႇတၼႃႇ ၽိူၵ်ႇၸိုၼ်ႈၶၢဝ်သႂ်ႁဝ်းၶဝ် ၵူႈၵေႃႉၵူႈၸဝ်ႈ ယူႇယဝ်ႉ ။

တႆးလွတ်ႈလႅဝ်း