ၽူႈမီးၼမ်ႉၸႂ် ၸွႆႈထႅမ်ၵူၼ်းမိူင်းထူပ်းၽေးၼမ်ႉထူမ်ႈ

မိူဝ်ႈဝႃး ဝၼ်းထီႉ 8 October 2024 (လိူၼ်သိပ်းဢဵတ်းမႂ်ႇ 6 ၶမ်ႈ ပီႊတႆး 2118 ၼီႈ) ၸင်ႇမီးတင်း ၽူႈမီးၼမ်ႉၸႂ် ၽူႈမီးၼမ်ႉၸႂ် นายบรรพต จินดาพันธ์ လႄႈ ၸုမ်းၸိူဝ်း လႆႈၸွႆႈထႅမ်တီႈ ၵေႃၵမ်ၵၢၼ် ၸွႆႈထႅမ်ၵူၼ်းမိူင်းထူပ်းၽေးၼမ်ႉထူမ်ႈ ၶဝ်ႈသွႆးဢေႃႇတေႃႇ 210 တိူၵ်ႈ လႄႈ ပႃဢႅပ်ႇ 100 တိူၵ်ႈ ယူႇယဝ်ႉ။

မိူဝ်ႈၼႂ်းဝၼ်းထီႉ 5 October 2024  ၼၼ်ႉၵေႃႈ ၽူႈမီးၼမ်ႉၸႂ် ၸွႆႈထႅမ်ၶူဝ်းၶွင် မိူၼ်ၼင်ႇ သပျႃႇၵွၼ်ႈသီ 120 ၽႅၵ်ႉ၊ ယႃသီၶဵဝ်ႈ 100 လွတ်ႇ၊ မႆႉထူၶဵဝ်ႈ 100 ဢၼ်၊ သပျႃႇၽွင် 100 ထူင်၊ ၼမ်ႉမၼ်းၵိၼ် 23 တိူၵ်ႈ၊ ၵိူဝ် 30 မတ်ႉ၊ လူတ်းတီး 30 ထူင်၊ ၶဝ်ႈသွႆးဢေႃႇတေႃႇ 38 တိူၵ်ႈ၊ ပႃဢႅပ်ႇ 30 ၽႅၵ်ႉ ၼႆယဝ်ႉ။

ၶူဝ်းၶွင်ဢၼ်ၸဝ်ႈတႃႇၼၸွႆႈထႅမ်မႃးၼၼ်ႉ ယူႇတီႈၽူႈမီးပုၼ်ႈၽွၼ်း RCSS/SSA လႆႈႁပ်ႉဢဝ်ဝႆႉသေ တေသိုပ်ႇသူင်ႇပၼ်တီႈ ၵူၼ်းမိူင်းၸိူဝ်းလႆႈထူပ်းၽေးၼမ်ႉထူမ်ႈၵႂႃႇ ယူႇယဝ်ႉ။

ဢမ်ႇဝႃႈပီႈၼွင်ႉၸိူဝ်းယူႇ ၼႂ်းမိူင်း ၼွၵ်ႈမိူင်း ၼင်ႇၵၢင်ၸႂ်ၶႂ်ႈၸွႆႈၶႂ်ႈထႅမ် တီႈၵူၼ်းၸိူဝ်းလႆႈထူပ်းတၢင်းယၢပ်ႇၽိုတ်ႇ ထူပ်းၽေးၼမ်ႉထူမ်ႈယူႇၼၼ်ႉ မုၵ်ႉၸုမ်း ၶွင်ႇသီႇဢဝ်ၶိုၼ်းၸိုင်ႈတႆး/တပ်ႉသိုၵ်းၸိုင်ႈတႆး ၼႆၵေႃႈ လႆႈမီးမႃး ၵေႃၵမ်ၵၢၼ် ၸွႆႈထႅမ်ၵူၼ်းမိူင်းထူပ်းၽေးၼမ်ႉထူမ်ႈ ၼႆသေ ႁႂ်ႈၵူႈၵေႃႉပေႃးၸၢင်ႈၸွႆႈထႅမ်လႆႈၼႆၼၼ်ႉ ယူႇယဝ်ႉ။

တႆးလွတ်ႈလႅဝ်း