ပီႈၼွင်ႉတႆးၼႂ်းမိူင်းၵွၵ်ႇ ၸွႆႈထႅမ် RCSS/SSA

မိူဝ်ႈဝႃးဝၼ်းထီႉ 27 October 2024 (လိူၼ်သိပ်းဢဵတ်းလွင်ႈ 10 ၶမ်ႈ ပီႊတႆး 2118 ၼီႈ) ၸၢႆးၼေႃႇၶိူဝ်း မိူင်းလွႆ လႆႈဢွၼ်ႁူဝ်ၼမ်းၼႃႈ ပီႈၼွင်ႉတႆးမိူင်းၵွၵ်ႇသေ ဢဝ်ၶူဝ်းၶွင်တင်းၼမ် ၸွႆႈထႅမ်ပၼ်တီႈ မုၵ်ႉၸုမ်း RCSS/SSA လႄႈ ႁႂ်ႈလႆႈပဵၼ်ႁႅင်းၸႂ် ၵေႃႉသိုၵ်းၵေႃႉႁၢၼ် ဝႃႈၼႆ။

ၶူဝ်းၶွင်ဢၼ်ၽူႈမီးၼမ်ႉၸႂ် ၸေႇတၼႃႇၽိူၵ်ႇၸိုၼ်ႈၶၢဝ်သႂ် ၸွႆႈထႅမ်ပၼ် RCSS/SSA ၼၼ်ႉ တေပဵၼ်ၶဝ်ႈသၢၼ်၊ ၼမ်ႉမၼ်းၵိၼ်၊ ၶဝ်ႈသွႆးႁႅင်ႈ၊ ၼမ်ႉယႃလၢင်ႉဝၢၼ်ႇ၊ တဵၼ်း၊ ၽႃႈႁူမ်ႇ လႄႈ ၶွင်ၵိၼ်ယႅမ်ႉထႅင်ႈၵမ်ႈၽွင်ႈ ယူႇယဝ်ႉ။

ယူႇတီႈၽူႈမီးပုၼ်ႈၽွၼ်း RCSS/SSA ၵေႃႈ ပဵၼ်ဢၼ်ယိၼ်းၸူမ်း ၶွပ်ႈၸႂ်ယႂ်ႇၼမ်ထိုင်တီႈ ၽူႈမီးၼမ်ႉၸႂ်ၸေႇတၼႃႇၶဝ်ၵူႈၵေႃႉ လႄႈ ၼင်ႇႁိုဝ် ပေႃးတေၵိုၵ်းပိုၼ်း ၽွင်းလုၵ်ႉၽိုၼ်ႉဢဝ်ၶိုၼ်းမိူင်းၸိုင်ႈတႆးၼၼ်ႉၵေႃႈ ယူႇတီႈၽူႈမီးပုၼ်ႈၽွၼ်း လႆႈတႅမ်ႈမၢႆပိုၼ်းဝႆႉပၼ်ယူႇ ၼႆယဝ်ႉ။

တႆးလွတ်ႈလႅဝ်း