သိုၵ်းမၢၼ်ႈပွႆႇမၢၵ်ႇသႂ်ႇတီႈဝဵင်းလႃႈသဵဝ်ႈထႅင်ႈ

မိူဝ်ႈၼႆႉဝၼ်းထီႉ 5 November 2024 (လိူၼ်သိပ်းသွင်မႂ်ႇ 5 ၶမ်ႈ ပီႊတႆး 2118 ၼီႈ) ၽွင်းၵူၼ်းမိူင်းၼွၼ်းလပ်းယဵၼ်ယူႇၼၼ်ႉ ၸုမ်းသိုၵ်းမၢၼ်ႈ ဢဝ်ႁိူဝ်းမိၼ် ၵႂႃႇပွႆႇမၢၵ်ႇသႂ်ႇထႅင်ႈ တီႈဝၢၼ်ႈမႄႈႁၢၼ်ႇ ဢိူင်ႇမႄႈႁၢၼ်ႇ ၸႄႈဝဵင်းလႃႈသဵဝ်ႈ။

ၵဵဝ်ႇၵပ်းလူၺ်ႈလွင်ႈၼႆႉ ၵူၼ်းမိူင်းၼႂ်းပိုၼ်ႉတီႈလၢတ်ႈၼႄဝႃႈ ယၢမ်းၵၢင်ၶိုၼ်းၼၼ်ႉ သိုၵ်းမၢၼ်ႈဢဝ်ႁိူဝ်းမိၼ်ပွႆႇမၢၵ်ႇထႅင်ႈ 2 လုၵ်ႈ တေပဵၼ်ၶၢဝ်းယၢမ်း 00:43 မူင်း လႄႈ 00:50 မူင်းသေ မၢၵ်ႇၵႂႃႇတူၵ်းသႂ်ႇ တီႈလုမ်းၽၢႆႇဢုပ်ႉပိူင်ႇ လႄႈ ႁိူၼ်းၵူၼ်းမိူင်း ဢၼ်ပၢႆႈၽေးဝႆႉၼၼ်ႉၶႃႈဢေႃႈ၊ ၵူၼ်းမိူင်းတႄႉဢမ်ႇမီးၽႂ်လႂ်မၢတ်ႇၸဵပ်းၼင်ႇၵဝ်ႇ ဝႃႈၼႆ။

ၸုမ်းသိုၵ်းၵူဝ်းၵၢင်ႉ MNDAA ပိုၼ်ၽၢဝ်ႇဝႆႉဝႃႈ ဝဵင်းဢၼ်မီးၼႂ်းၼႃႈလိၼ်ၵုမ်းၵမ် MNDAA သေ ထုၵ်ႇၺႃးႁိူဝ်းမိၼ်သိုၵ်းမၢၼ်ႈ ပွႆႇမၢၵ်ႇသႂ်ႇဢမ်ႇထၢတ်ႇဢမ်ႇဝၢႆးၼၼ်ႉ ပဵၼ်တီႈဝဵင်းလႃႈသဵဝ်ႈ ၼႆယဝ်ႉ။

တႆးလွတ်ႈလႅဝ်း