မိူင်းတႆးၾူၼ်တေတူၵ်းႁႅင်းလၢႆပိုၼ်ႉတီႈ

တင်ႇတႄႇဢဝ်မိူဝ်ႈၼႆႉဝၼ်းထီႉ 6 November 2024 ထိုင် ဝၼ်းထီႉ 8 November 2024 ၼႆႉ ၾူၼ်တေတူၵ်းႁႅင်း လၢႆလၢႆပိုၼ်ႉတီႈ ၼႂ်းၸိုင်ႈတႆး လႄႈ မၢင်ပိုၼ်ႉတီႈ တေၸၢင်ႈထူပ်းၽေး ၼမ်ႉထူမ်ႈၼမ်ႉၼွင်းထႅင်ႈ ၼႆယဝ်ႉ။

ၸွမ်းၼင်ႇလႆႈႁူႉၸွမ်းၶေႃႈမုၼ်းတီႈ Su Su San ပိုၼ်ၽၢဝ်ႇဝႆႉတႄႉ ၼႂ်းၶၢဝ်းတၢင်း 3 ဝၼ်း ၾူၼ်တေတူၵ်းတီႈ ဢွင်ႇပၢၼ်း၊ ယွင်ႁူၺ်ႈ၊ ႁၢႆးႁူဝ်း၊ သူၺ်ႇၺွင်ႇ၊ တူၼ်ႈတီး၊ ႁူဝ်ပူင်း၊ မိူင်းပွၼ်၊ လွႆလႅမ်၊ ပၢင်လူင်၊ ၼွင်ႁၢႆးယႃႈ၊ လၢင်းၶိူဝ်း၊ ယႂႃႇငၢၼ်ႇ၊ လႃႈသဵဝ်ႈ၊ တၢင်ႉယၢၼ်း၊ ၵုၼ်လူင်၊ လၢဝ်ႇၵၢႆး၊ ပၢင်သၢင်း၊ မိူင်းလႃး၊ ၵဵင်းတုင်၊ မိူင်းပဵင်း၊ မိူင်းသူႈ လႄႈ ဝဵင်းဢၼ်ယူႇတီႈၼႂ်းၸႄႈတွၼ်ႈၵျွၵ်ႉမႄး ၼႆယဝ်ႉ။

ၶၢဝ်းၾူၼ်ပီႊ 2024 ၼႆႉ ၾူၼ်တူၵ်းႁႃႇယႂ်ႇႁႃႇလူင်ၼႂ်းၸိုင်ႈတႆး ဢမ်ႇထၢတ်ႇဢမ်ႇဝၢႆး လႄႈ ၵူၼ်းမိူင်းတႆးလၢႆလၢႆပိုၼ်ႉတီႈ လႆႈႁူပ်ႉၺႃးၽေးၼမ်ႉထူမ်ႈၼမ်ႉၼွင်းသေ လႆႈလူႉသုမ်းယႂ်ႇလူင် ၸဵမ်ၶွင်ၽုၵ်ႇသွမ်ႈ ဢိၵ်ႇပႃး ၶူဝ်းႁိူၼ်းၶူဝ်းယေးတင်းၼမ် ယူႇယဝ်ႉ။

တႆးလွတ်ႈလႅဝ်း