ၵႃးၽႃႇၵၼ် တီႈသဵၼ်ႈတၢင်း ဢွင်ႇပၢၼ်း−ၵလေႃး

မိူဝ်ႈဝႃးဝၼ်းထီႉ 4 December 2024 (လိူၼ်ၸဵင်မႂ်ႇ 4 ၶမ်ႈ ပီႊတႆး 2119 ၼီႈ) ယၢမ်းႁူဝ်ၶမ်ႈ 17:00 မူင်းပၢႆၼၼ်ႉ ပဵၼ်ၽေးၵိုင်ႉၵၢင်ႉၵႃးလူင်ၽႃႇၵၼ် လႄႈ မီးၵူၼ်းမၢတ်ႇၸဵပ်း 3 ၵေႃႉ ဝႃႈၼႆ။

လွင်ႈတၢင်းပိူင်ပဵၼ်မၼ်းတႄႉ မီးၵႃးတၢင်ႇထၢၼ်ႇႁိၼ်လမ်းၼိုင်ႈ ၵိုတ်းဝႆႉၸွမ်းတၢင်း သမ်ႉဢမ်ႇပိုတ်ႇၾႆးဝႆႉ  ႁဵတ်းႁႂ်ႈၵႃးတၢင်ႇၵုၼ်ႇ ထႅင်ႈလမ်းၼိုင်ႈ ဢမ်ႇႁူႉဝႃႈမီးၵႃးၵိုတ်းဝႆႉတၢင်းၼႃႈၼႆ လႄႈ ဢဝ်ပဵၼ်ၽေးၵိုင်ႉၵၢင်ႉၽႃႇၺႃး ၵူၼ်ႈၵႃးတၢင်ႇထၢၼ်ႇႁိၼ်ဝႆႉၼၼ်ႉသေ ၸဝ်ႈၵႃးတၢင်ႇၵုၼ်ႇလႄႈၼၢင်းယိင်း 2 ၵေႃႉ လႆႈတၢင်းမၢတ်ႇၸဵပ်း ၼႆယဝ်ႉ။

ၵူၼ်းမၢတ်ႇၸဵပ်း 3 ၵေႃႉၼၼ်ႉ ၽူႈမီးပုၼ်ႈၽွၼ်းၶဝ် ၸွႆႈဢဝ်တူဝ်သူင်ႇၵႂႃႇယူတ်းယႃဝႆႉတီႈ ႁူင်းယႃဝဵင်းၵလေႃး ၼႆယဝ်ႉ။

တႆးလွတ်ႈလႅဝ်း