လွႆၵေႃႇဝၼ်း ၸတ်းႁဵတ်း ပၢင်ၶုၵ်းထူပ်းဢဝ်ၵုင်ႇမုၼ် ၸဝ်ႈမုၼ်ယႂ်ႇၶုၼ်ႁေႃၶမ်း ပႃးထူၼ်ႈ (9)

မိူဝ်ႈၼႂ်းဝၼ်းထီႉ 5 December 2024 (လိူၼ်ၸဵင်မႂ်ႇ 5 ၶမ်ႈ ပီႊတႆး 2119 ၼီႈ) ယၢမ်း ၵၢင်ၶမ်ႈ 19:00 မူင်း ၽူႈယႂ်ႇၵူၼ်းလူင်၊ ၵူၼ်းသိုၵ်း လႄႈ ပေႃႈမႄႈၵူၼ်းမိူင်း ၶဝ်ႈဢဝ်တီႈယူႇ ႁူင်းႁေႃးပၢင်ႇပဵင်းၾႃႉ ၼႂ်းပၢင်ၶုၵ်းထူပ်းဢဝ်ၵုင်ႇမုၼ် ဝၼ်းငၢႆးဝၼ်းၵိူတ်ႇ ၸဝ်ႈမုၼ်ယႂ်ႇၶုၼ်ႁေႃၶမ်း ပႃးထူၼ်ႈ (9)ၼႆယူႇယဝ်ႉ။

လိူဝ်ၼၼ်ႉ ၸဝ်ႈသိုၵ်းလူင် ၶမ်းၵွၼ်းၸိုၼ်ႈ RCSS/SSA  ဢွၼ်တႄႇ သၢၵ်ႈဢုပ်းငိုၼ်း၊ ဢုပ်းၶမ်း သေယဝ်ႉ ၽူႈယႂ်ၵူၼ်းလူင်လၢႆလၢႆၸဝ်ႈ ၶိုၼ်ႈသၢၵ်ႈဢုပ်းမွၵ်ႇၵႂႃႇ။

သိုပ်ႇသေၼၼ်ႉ ၽူႈၶိုၼ်ႈႁွတ်ႈ ၼႂ်းပၢင်ၶုၵ်းထူပ်းဢဝ်ၵုင်ႇမုၼ် ၸဝ်ႈမုၼ်ယႂ်ႇၶုၼ်ႁေႃၶမ်း ပႃးထူၼ်ႈ (9) လႆႈဢွၼ်ၵၼ် ၶုၵ်းထူပ်းဢဝ်ၵုင်ႇမုၼ်ၵူႈၵေႃႉသေ ဢွၼ်ၵၼ်တိူင်ႇၵၢဝ်ႇယွၼ်းသူး ႁူမ်ႈၵၼ် ၽၢႆႇၼႃႈႁုၼ်ႇႁၢင်ႈၸဝ်ႈမုၼ်ယႂ်ႇၶုၼ်ႁေႃၶမ်း လႄႈ ပိုတ်ႇၵႂၢမ်းယွင်ႈယေႃး ၸပ်းတဵၼ်းယွၼ်းသူးတိူင်ႇၵၢဝ်ႇၵႂႃႇသိုဝ်ႈၽႂ်တၼ်းမၼ်းၵႂႃႇယူႇယဝ်ႉ။

တႆးလွတ်ႈလႅဝ်း