သိုၵ်းမၢၼ်ႈယိုဝ်းတၢႆထဝ်ႈယိင်းၵေႃႉၼိုင်ႈ

မိူဝ်ႈဝၼ်းထီႉ 13 December 2024 (လိူၼ်ၸဵင်မႂ်ႇ 13 ၶမ်ႈ ပီႊတႆး 2119 ၼီႈ) ယၢမ်းၵၢင်ၼႂ်မွၵ်ႈ 8:00 မူင်းၼၼ်ႉ ၸုမ်းသိုၵ်းမၢၼ်ႈ ယိုဝ်းတၢႆပႅတ်ႈထဝ်ႈယိင်းၵေႃႉ ၼိုင်ႈ ၽွင်းတိုၵ်ႉႁေႃႈလူတ်ႉတီႈဝၢၼ်ႈဢိၼ်းသၢဝ်ႉ ၸႄႈဝဵင်းလၢဝ်းလူင်း တိူင်းတၼၢဝ်းသီ (တၼိၼ်းတႃႇရီႇ) ဝႃႈၼႆ။

ၵူၼ်းမိူင်းၼႂ်းပိုၼ်ႉတီႈလၢတ်ႈတီႈသိုဝ်ႇၶၢဝ်ႇ DVB ဝႃႈ မႄႈပႃႈၵေႃႉၼႆႉ မီးဢႃႇယုမွၵ်ႈ 50 ပီႊ ႁေႃႈလူတ်ႉၶိူင်ႈၸွမ်းတၢင်းယူႇၼၼ်ႉ ထုၵ်ႇၺႃးသိုၵ်းမၢၼ်ႈ ယိုဝ်းတၢႆပႅတ်ႈ၊ ၵူၼ်းၼႂ်းဝၢၼ်ႈၵေႃႈ ၵူဝ်သိုၵ်းမၢၼ်ႈလႄႈ ဢွၼ်ၵၼ်လႅၼ်ႈပၢႆႈ ႁင်းၽႂ်ႁင်းမၼ်း ဝႃႈၼႆ။

သိုၵ်းမၢၼ်ႈၸုမ်းၼႆႉ မီးဢဵၼ်ႁႅင်း မွၵ်ႈ 120 ၵေႃႉ လုၵ်ႉတီႈဝဵင်းထဝၢႆ (ထႃႇဝႄႇ) သေ မုင်ႈၼႃႈၵႂႃႇတီႈ ၸႄႈဝဵင်းလၢဝ်းလူင်း ၼႆယဝ်ႉ။

တႆးလွတ်ႈလႅဝ်း